|
مشكله مع تعامل جيرمن شيبرد
سلام أهلين شبابـــ ،، \\
أخباركمـ ؟؟؟ المهم بإختصار ولا أطول عليكم عندي سؤال بسيط عن كلبي ،، طبعا هو ذكر نوعيته جيرمن شيبرد وعندي مشكله بسيطه معاه ألحين عمره ثمان شهور دربته تدريب طاعه من كان عمره 3 شهور وممتاز مع الناس اللي يعرفهم من التعامل لكن عنده مشكله مع الغرب سواء في الشارع او داخل البيت [ بمعنى أنه يهاجم الناس وخصوصا الأطفال ] حتى لو كنت موجود معاه وهذا يسبب لي مشاكل إذا جيت اتمشى وياه او إذا جانا ضيوف طبعا حاليا خفت الحالة برآ البيت لكن لا زالت مع الأطفال وعند دخول اي أحد البيت وحتى لو أحد دخل البيت ما يخلي أحد يلمسه أو يمسح عليه آمل الإجابة أخواني في أقرب وقت لأنه مسوي لي مشاكل يعطيكم ألف عافيه\\ |
رد: مشكله مع تعامل جيرمن شيبرد
هذه فطرة الكلب في الحراسة ولكن تستطيع تعويد الكلب على الغرباء ومن الأفضل أن تأخذه إلى مدرب محترف يعرف كيف يدربه على الغرباء فقط
|
رد: مشكله مع تعامل جيرمن شيبرد
المشكله يكون الكلب تركيزه في الهجوم على الغريب أكثر من تركيزه بأوامري فإذا صادف شخص يكون يركز على الشخص ومتجاهلني نوعا ما
وهذا التصرف يكون عام في البيت أو في الشارع ويعطيكـ العافيه |
رد: مشكله مع تعامل جيرمن شيبرد
السلام عليكم
يالغالي اذا كان الكلب داخل البيت وجا واحد غريب من برا وتفلت عليه الكلب و صار ينبح وضعك بالسليم لان هذي مهمة الكلب الرئيسيه .. الحراسه .. اما اذا كان خارج البيت وشاف احد ويبغى يهجم عليه اعتباطي فهذا الشي غير مقبول لذلك الحل هو انك تخلي الكلب معتاد على وجود الغرباء بدون ما يلقي لهم بال ولا يتنرفز .. يكون تصرفه طبيعي في وجودهم وتركيزه معاك ومجرد هجوم اي شخص منهم عليك تبدء مهمة الكلب بالهجوم عليه .. الطريقة هي التعويد مثلا تركب للكلب شناقة عشان تسيطر عليه و كمام وان تتمشى مع الكلب بين الناس الغرباء خارج البيت ولما ينبح عليهم ويسوي مشاكل ممكن ضربه خفيفه او تل الليش شوي وكلمة نووو او عيب . استمر على هذا الوضع فترة واذا بدء يصير الكلب طبيعي مع الغرباء شيل الكمام والشناقة وتمشى معه وانشالله يتغير الوضع .. تقبل تحياتي |
رد: مشكله مع تعامل جيرمن شيبرد
الحمد لله هذا اول يوم وبصراحة في تطووور وااااضح
طلعت معاه مشوار داخل الحي وتقريبا بدا يطنش الناس لاكن يحتاج بعد كم مشوار والحمدلله بس استعملت الليش في لفت انتباهه واحيانا اشارة بسيطة بيدي على خشمه مثل ماتفضل اخوي بلاك دفل وكلو تمام .........مشكورين يالغالين وانا سعيد اني شاركت في منتدى فيه ناس كريمة وطيبة وعارفه مثلكم وشرواكم شكرا جزيلا لكم........ |
رد: مشكله مع تعامل جيرمن شيبرد
اللهم لك الحمد
من اجمل الكلمات اللي اقراها في هالمنتدى النتايج الطيبه بعد مناقشات خبرات الشباب اتمنى لك التوفيق في كل حياتك يالغالي |
رد: مشكله مع تعامل جيرمن شيبرد
اقتباس:
شكرا ليك اخوي و ان شاء الله تشارك دايمن اخوك عصام تحياتي |
| جميع الأوقات بتوقيت GMT +3. الساعة الآن 10:38 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو