الكناري ممل الي عندي
 

السلام عليكم ورحمة الله يا اخواني

شلونكم وشخباركم وشمسوين بصراحه انا مليت من الكناري الي عندي قالولي اشتري
كناري عادي ما يغرد احسن من انك تشتري كناري يغرد لانه الكناري الي يغرد اغلى
والعادي رخيص وبفترت اسبوع بيغرد المهم حاولت كل المحاولات الي اخليه يغرد وما غرد
حاطه عندي في غرفتي واخليه يطير حته في الغرفه بس المشكله الكناري ما يطير
كل ما احاول اخليه يطير ما يطير يطير شويه ويثبت مكان ويقعد يتنفس بقوه واخر ايام
يفتح منقاره ويطلع اصوات غريبه ومره او مرتين سمعته يطلع اصوات مثل الكناري بصراحه مليت
كله قاعد ونافش ريشه شسوي يا اخوان تراني يديد في تربية الكناري :(

رد: الكناري ممل الي عندي
 

رد: الكناري ممل الي عندي
 

السلام عليكم

اخوي يمكن الي عندك مو ذكر يكون انثى والانثى ما تغرد

انت اصبر شوي يمكن يكون لسا صغير
وطبيعي انه يتعب اذا طار لانه مو متعود على الطيران مسافات بعيدة حدود القفص وبس
نوع له الطعام خس جرير بقدونس بيض مسلوف
واذا ما تغير شي اعرضه على احد يعرف مضبوط يمكن يكون انثى مو ذكر

رد: الكناري ممل الي عندي
 

وعليكم السلام ورحمه الله وبركاته

اول شي ه انت متاكد انه ذكر لان الانثى ماتغرد

اذا كان ذكر ولا يغرد حاول تدخل اليوتيوب وتدور تغريد كناري وخله يسمعه يمكن يتشجع ويغرد

او حطه عند تلفزيون موشوش يطلع صوت تشويش او رادو

رد: الكناري ممل الي عندي
 

الي عندي ذكر تاكدت منه بنفسي لاني انا شكيت في الموضوع بس اكتشفت انه ذكر
احين صارله اسبوعين عندي ولو كان بيغرد كان غرد وما يتشجع هل الكناري ممل ما يطير
ولا يتحرك كله قاعد ساكت ونوعت في الاكل جرجير خس تفاح ورق الفجل حبوب سويت له محلول
برتقال سويت لح محلول النعناع كل شي سويت له ما راضي يغرد حطيت له صوت كناري من يو تيوب
يمكن سجلت 15 صوات وقعدت اشغلهم ثلاث ساعات ولا افتكر الظاهر بقوم وبشيله اخر شي وبطيره

رد: الكناري ممل الي عندي
 

يا أخي مو عاجبك رجعوا للي باعك إياه بسيطة ليش معذب حالك!

رد: الكناري ممل الي عندي
 

على ما اضن اعرف ارجعه لو ابي

رد: الكناري ممل الي عندي
 

ياغالي اصبر يمكن يكون صغير او يمر بفتره تغير الريش انا افضل انك تشوف له انثى وتضعها في قفص اخر يشوفها وان شالله ان بيغرد لانه بيحاول انه يقرب منها

محلول البرتقال ابعد عنه اقصد الحوامض بصفه عامه

وترى الكناري متعه اذا فهمتها

رد: الكناري ممل الي عندي
 

انا افكر في الانثى ونصحني شخص اشتري دوه اقطر منه وراح يغرد