|
مشكلة.....في الجيرمن شيبرد
عندي كلب ( جيرمن شيبرد ) عمرة سنة وثلاث اشهر...وكان متعافي وضخم جدا...وفجاءة امتنع عن الاكل...وبداء جسمه يضعف...ولا يلعب ولا ينبح..الا نادر..وديته الدكتور( البيطري) قال انه حرارته مرتفعة...وعنده اسهال....وعنده التهاب في العين...وعطاه 3 حقن...هذا يوم السبت...وامس حضر الدكتور للبيت...وعطاه 3 ابر....المشكلة ان الكلب صار ضئيل جدا جدا...الفزعة تكفون بالربع...تراه غالي عندي والله ..
ايش الحل.... |
رد: مشكلة.....في الجيرمن شيبرد
أخوي اول شي الله ايعينك
وين وديتة عيادة البستان؟؟؟ وحاول انك اتنفذ كلام الطبيب وطول معاه واشوف ايش ايصرله؟ |
رد: مشكلة.....في الجيرمن شيبرد
اتبع اوامر البيطري وسيكون خير ان شاء الله.
|
رد: مشكلة.....في الجيرمن شيبرد
نعم...وديته عيادة البستان اليوم...وقال لي نفس الكلام...فيه فايروس...ويقول صعب علاجه...بس اخذ تحاليل له اليوم..وقال لي بكرة بيعطيني النتيجة.
|
رد: مشكلة.....في الجيرمن شيبرد
يلة انشالة خير
أخوي انت امطعمة متي اخر مرة وشو نوع التطعيم؟؟؟ |
رد: مشكلة.....في الجيرمن شيبرد
وانا بعد عندي كلبين جيرمن شيبرد الاول عمر3شهور والثاني عمره 5شهور
وصار لي نفس الحال ووديته للبيطري وقال في فيروس توه مكشوف ولا له علاج وماتوا الكلاب اثنينهم بس انت اتبع أوامر البيطري وانشاء الله خير |
رد: مشكلة.....في الجيرمن شيبرد
والله انا شاريه من فترة...وقال لي راعيه انه ماخذ التطعيمات بشكل دوري.....والكلب كان تمام...بس لما وديته عند المدرب...تدهورت صحته واتصل فيني وقال لي تعال اخذ كلبك...لانه تعبان....
|
رد: مشكلة.....في الجيرمن شيبرد
الصراحة أخوي ماعندي شي اكثر من البيطري
انشالة انشوف التحاليل بكرة ويكون خير الله ايشافيه أخوي حبيت اسالك المدرب في قطر |
رد: مشكلة.....في الجيرمن شيبرد
اخواني...طلعت نتيجة فحص الدم اليوم...وقال لي الدكتور...ان الكلب مافيه فايروس...وانما دود كثير.....
وبداء يأكل اليوم ولكن بشكل بطيء ...وبفترات متفاوته.... |
رد: مشكلة.....في الجيرمن شيبرد
الحمدلله تستاهل سلامته أخوي
أخوي المدرب موجود في قطر |
| جميع الأوقات بتوقيت GMT +3. الساعة الآن 02:41 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو