منتديات تو زوو - ياعاذلي بالعشق00

http://www.m5zn.com/uploads/2011/3/1...bpz4puhgyo.png

قال الذي ينظم بيوتٍ جزالا
اللي يسوق البيت سوق الركابي

شب الحطب ياسعود حدر الدلالا
ثم اسقني منها لذيذ الشرابي

وهات البريق وهات معه البيالا
الليل طال وزان معه الخطابي

ياعاذلي بالعشق مالك مجالا
القلب طاح وصار عذلك سبابي

قلبي سباه اليوم ذاك الغزالا
من سبته ياسعود ينضح صوابي

له لفتةٍ تسبي قلوب الرجالا
وله نضرة فيها سواط العذابي

خده كما البراق يوم يتلالا
وألا كما نجمٍ خذاه الشهابي

غصنٍ ليا نسنس هواه استمالا
راع الوصوف اللي تثير العجابي

الله عطاه وزاد فيه الجمالا
وفوق الجمال اعطاه ستر وحجابي

حبه رسى بالروح مثل الجبالا
وعشقه حفر فيني سهول وشعابي

ليا غاب عني زاد في الهبالا
ولا شافته عيني يجيني صوابي

(والله) ما أقبل في هواه الجدالا
لا تعذلوني فيه يا اهل العتابي

ولو بدلوني عنه ما ارضى بدالا
بعده ديار العشق تصبح خرابي

ياليت أبوه يصير عمٍ وخالاً
ماأجوز عنه كود يكتب كتابي

عز الله أني بعد ظبي الرمالا
ما طاب لي ياسعود زاد وشرابي

قلبي تحمل فوق حمله حمالا
والراس شاب وتوني بالشبابي

كن بالحشا والجوف ضرب النبالا
ونار الغضي ياسعود تشوي جنابي

صفقت بالكف اليمين الشمالا
لا والله اللي ضاع مني حسابي

إن جيت أنا بانساه جاني خيالا
وان صار في فكري يزود التهابي

عقبه ترى يا سعود ذبحي حلالا
ما اعيش عقبة غير تحت الترابي

حكم الهوى والعشق مابه عدالا
وصيةٍ مني كتبها كتابي

... أتمنى انها راقت لكم ...
منقووووووووووووووووووووول