منتديات تو زوو - اين تباع الكلاب في القاهرة ؟؟ ارجوا الرد

اماكن بيع الكلاب و الاكسسوار
1- سوق السيده عائشه يقام يوم الجمعه من الصباح الباكر و حتى المغرب تقريبا على طريق الاوتوستراد فى بيع كلاب و اكسسوار مميزاته \ تعرف تشترى بسعر كويس السعر بيعتمد على الفصال سواء للكلاب او الاكسسوار و انت وشطارتك - فى انواع و بياعين كتير كل الانواع و الاعمار \ ممكن تعرف تلاقى كلب للتزاوج
عيوبه متعرفش اصل الكلاب ولا تعرف تشوف الاب والام \ متضمنش الكلب سليم ولا عيان
لازم تكون عندك خبره كافيه او تاخد حد معاك عنده خبره / لازم تطعم الكلب حتى لو قالولك انه مطعم / يستحب تكشف على الكلب عند بيطرى بعد الشراء
2-اكادميه الشرطه بالعباسيه خلف كليه الشرطه القديمه المميزات / تضمن اصل الكلب و السلاله / الام اكيد مطعمه و الجرو بعد عمر معين مطعم /اكيد الجرو تحت اشراف بيطرى مش محتاج تودى الكلب عند بيطرى للتاكد من سلامته
العيوب الاسعار تعتبر مش رخيصه بالنسبه للسوق السابق / السعر محدد لا يمكن الفصال على حد علمى
يوجد اكسسوار وادوات تدريب /هناك خدمه استضافه و تدريب / يوجد انواع متعددة ( جيرمن / دوبرمان/بوكسر/لابرادور/ديلمينشن ..........) لان البعض يعتقد ان المتوفر جرمن فقط
اماكن العلاج 1- كليه الطب البيطرى جامعه القاهره الجيزه فى الميدان قبل كبرى فيصل على اليمين
2-مديريه الطب البيطرى العمرانيه اول الهرم بعد النفق و انت جى من الجيزه فى اتجاه الهرم يكون على ايدك الشمال على اول ترعه الزمر مكان حكومى اسعاره رخيصه خدمه العلاج و التطعيم واستخراج الرخصه الى اعرف سعره التطعيم ضد السعار و استخراج الرخصه لا يتعدى 22 او 25 جنيه للكلاب بعد عمر 6 شهور
3- مستشفى الشعب بشارع 26 يوليو و انت جى من ناحيه دار القضاء العالى متجه للكورنيش و الوكاله على ايدك اليمين
4- جمعيه اصدقاء الحيوان المعادى شارع خورشد امام الاكادميه الشارع الى ادام بوابه هيئه البترول عندهم علاج و تطعيم واستخراج رخصه انا طعمت كلب هناك عشان السن كان شهرين و الاسعار متعتبرش رخيصه التطعيم 8 امراض 50 جنيه السعار 35 جنيه استخراج الرخصه 50 انا بسراحه طعمت هناك علشان اضمن خوف من الامراض وخصوصا ان بناتى بيلعبوا معاه بس الرخصه لما يكمل 6 شهور حطعمه فى المدريه جرعه منشطه واستخرج الرخصه ارخص
منقوووووووووووووووووووووووووووول