|
هل يجوز استخدام اسطوانات الماء عند تغير ربع الماء اسبوعيا
السلام عليكم
اخواني عندي استفسار بسيط ... عنا بلاردن ببيعو اسطوانات ماء للكولرات ( الاخ باسل بعرفهم ) حجم الاسطوانه 20 لتر ..... انا لما اغير ربع الحوض لازم اغير 175 لتر .... فبدل ما اتغلب بالمي واحطلها مزيل كلور ... بيجوز اشتري اسطوانات ماء ( الاسطوانات معقمه من كل شي ومعقمه بلاوزون ) واحطها بالحوض ؟؟؟ علما اني احتاج 9 اسطوانات لتغير ربع الحوض انتظركم وشكرا مسبقا |
رد: هل يجوز استخدام اسطوانات الماء عند تغير ربع الماء اسبوعيا
لالا ما بزبط لانو فيهم نسب املاح كالبوتاسيوم وغيرها تتضارب ونسبة املاح السمك
لكن ممكن تستخدمهم لنقل المياه من الحوض الى التصريف(المغسلة) او من الحنفية للحوض وهذا غير انو طريقتك مكلفة نوعا ما خليك عالصنبور احسنلك |
رد: هل يجوز استخدام اسطوانات الماء عند تغير ربع الماء اسبوعيا
مهو المشكله بتخلص علينا المي بسبب الحوض ... وانت بتعرف المي عنا مش دايما بتكون جايه فبسحب نص الخزان :)
بس خلص ما زالها مضره للسمك خلينا على ميه الحنفيه احسن بس بالنسبه للتكلفه بالعكس بتطلع علي الاسطوانه بنص دينار يعني 4 ونص بس والف شكر باسل :) |
رد: هل يجوز استخدام اسطوانات الماء عند تغير ربع الماء اسبوعيا
4 ونص ضرب 4 مرات بالشهر ؟؟؟؟؟؟؟؟؟؟؟؟؟
بعدين انت غير من مية الحوض لما تيجي المي كل اسبوع احنا بتيجي عنا كل اسبوع يوم جمعة بس بغير يوم السبت حتى تكون المي هديت وقلت نسبة الكلور فيها لانو لما بتيجي بتكون زي البيبسي من الكلور |
رد: هل يجوز استخدام اسطوانات الماء عند تغير ربع الماء اسبوعيا
ههههههههه لا يا معلم انا ساكن قريب من قصر ملكي فبوصلنا مي من ميه الديسي المحترمه يعني صالحه للشرب مش زي ميه عمان :) يعني مش بيبسي بس عجبني المصطلح بس ... بس انا غيرت المي مره وحده من الاسطوانات وبما انها بتضر الاسماك خلص مش مشكله خلينا زي اول :) وحياك الله باسل :)
|
رد: هل يجوز استخدام اسطوانات الماء عند تغير ربع الماء اسبوعيا
السلام عليكم
اخي باسل ممكن سؤال بعد اذن الاخ Piranha man بما ان الماء يصلنا مرة واحده بالاسبوع و نضعه بالخزان على سطح الدار هل يعتبر الماء خالي من الكلور بعد مرور خمسة او ستة ايام على وضعه في الخزان ؟؟ و هل نستطيع تغيير ربع ماء الحوض مباشرة دون الحاجة لاستخدام مزيل الكلور ؟؟؟؟ وبارك الله فيكم |
رد: هل يجوز استخدام اسطوانات الماء عند تغير ربع الماء اسبوعيا
لا يا عمر لانو الماء المركون الخالي من الكلور لازم يكون صلو اسبوعين على الاقل ويسمى بالهواية الماء القديم ويستخدم لغايات التفريخ كالفايتر
اما في حالتنا فالماء لا يزال يحوي الكلور اخي ويفضل استعمال المزيل والحمدلله ان ارخص شي بالهواية لانو كان فعلا وقتها مصييبة اي سؤال لا تترددوا بطرحه سواء خبير البيرانا محمود:) او اخونا العزيز عمر يغلق لانتهاء العرض |
| جميع الأوقات بتوقيت GMT +3. الساعة الآن 09:20 PM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو