|
أرجو من الخبراء ألمساعده مهم جدا لكلب القوقاز
السلام عليكم
بالبدايه لا بد ان اشكر كل شخص اثري الموضوع بالنسبه لكل القوقاز أو الكلب قاتل الذئاب انا استفت من المواضيع وشفت كل شي خاص عن هذا النوع الآن وقت الجد انا في الوقت قرر أسافر علشان أجيب هذا الكلب وأبي أجيب ذكر وانثي للتزاوج وانا كان عندي كلاب جرمن وبلاك جاك وانا دريتهم علي الطاعه والشراسه والحمد لله شي ممتاز الحين انا ابي أسافر علشان اجيب القوقازي بس وين المكان الي اقدر احصل علي سلاله جيده انا فكرت اروح جورجيا وتركيا يريت أحد يقولي كم سعره هنا |
رد: أرجو من الخبراء ألمساعده مهم جدا لكلب القوقاز
حاول تشوف لو في شركات شحن تقدر تجيب لك هذا الجرو من روسيا موطن الاصلي ل قوقاز
|
رد: أرجو من الخبراء ألمساعده مهم جدا لكلب القوقاز
وعليكم السلام ورحمة الله وبركاته
:88:ومرحبتين ثنتين اكبار :88: القوقازي كلب بطل بطل واكثر من رائع وفيه حب قوي قوي جداً لصاحبه والمكان الموجود فيه خاص اذا كان مكروم من مكان مكيف نظيف اكل V.I.P:D اووووو تماتيك يتحول الى أسد يدافع عن عرينه جورجيا او تركية يكثر فيها الالباي والازيات والكنقال والقوقاز ايضا حاول تاخذ شي توب من بريدر معروف افضل اصلي عشان تستمتع في ميزات القوقازي الاصلية :D يوجد كذا حجم من القوقازي بعطيك وحده من ماقال الهولي:D (( اذا كان يهمك السعر مايهمك الاصل واذا كان يهمك الاصل مايهمك السعر )) اما التدريب والاهتمام ماعليك خوف مدام كان عندك جيرمن يعني الخبره موجودة:) |
رد: أرجو من الخبراء ألمساعده مهم جدا لكلب القوقاز
الشباب كفو ووفو
بس عندي مداخله بسيطه اذا ماخاب ظني ان الراعي القوقازي ممنوع دخوله الكويت اسأل الثروه الحيوانيه قبل ما تستورد بالتوفيق |
رد: أرجو من الخبراء ألمساعده مهم جدا لكلب القوقاز
كل الشكر لكم واهتمامكم يا الربع والله عاجز عن الشكر
اسمحولي أبين وجهة نظري بالبدايه انا حبيت اسأل عن موطنه لان انا بسافر اجيبه لان راح اختار انا من بين كذا جرو اعزكم الله بالنسبه للسعر سألت علشان في بلدهم لا بستغلوني وكون عارف سعره وانا ما فكرة بالمبلغ وبدفع تذكره لي وحق صديق وسكن ومصرف وهناك بعد فحص الطبيب والباسبورت والبوكس الخاص الطيارة وتذاكرهم إلا علشان اخذ شي طيب وأصلي انا حصلت واحد بالكويت عنده جرو يبي يبيعه 600 دينار وبغيت اسأل هل صعب اروح روسيا علشان اجيبه لان انا عارف في تركيا موجود وإيران نفس الشي بس مو بيوور يكون ملعوب فيه بالنسبه لدخوله الكويت ما ادري والله راح أتأكد الناس يدخلون الفهد والأسد مايرضون علي القوقازي حبايبي مشكورين علي تفاعلكم معاي واهتمامكم |
رد: أرجو من الخبراء ألمساعده مهم جدا لكلب القوقاز
اخوي صدقت بكلامكك انهم يدخلو اسود وفهود ونمور والكلب الاليف صديق الانسان ممنوع هذا تناقض عجيب لاكن انشالله تلاقي الجرو المناسب وانشالله يكون اوفى صديق
|
رد: أرجو من الخبراء ألمساعده مهم جدا لكلب القوقاز
اقتباس:
عندك روسيا او اوكرانيا ... بالنسبة للسعر انت كم حدودك أو كم المبلغ اللي قادر تدفعه على القوقازي .. ويعتمد على اللي انت تبغيه .. تبي قوقازي مع بديغري وسلالته بتاريخ طيب وبطولات ، ترى يختلف السعر بشكل كبير .. مثله مثل الخيول |
رد: أرجو من الخبراء ألمساعده مهم جدا لكلب القوقاز
مشكور ياخوي علي ردك
زين قلت لي عن جورجيا أنها نفس تركيه وإيران شوف يالغالي بالنسبه للسعر ما هي المشكله بالنسبه لي أما بالنسبه للبطولات انت عارف ياخوي البطولات لها قواعدها هذا ما يمنع اني احصل علي كلب سلاله نضيفه وماله شغل في البطولات لما يكون عزك الله كلب بييور الباجي يعتمد عليك من ناحيه التدريب والتعامل معاه ولاهتمام في التغذية والرياضة والنظافة يطلع الكلب وحش بمعني الكلمه مع الغريب وجدا وديع مع الأسرة وهذا الكلام من خلال تجاربي في السنين الي فاتت الحين السؤال المهم انا قعت أبحث صار لي ايام عن موضوع روسيا في ناس تقول لازم يبعثون لك دعوه من هناك وقولون ان الروس ما يحبون الغرباء بالأخص العرب عندهم عنصريه ياريت تفيدوني يالربع |
رد: أرجو من الخبراء ألمساعده مهم جدا لكلب القوقاز
اقتباس:
لازم تتواصل مع kennel أو بريدر معروف في روسيا أو يكون عندك وسيط ثقة ، لأن إجراءات شحنه من هناك سالفه .. الشي الطيب يبدأ من 15000 ريال أو 1500 دينار وانت طالع .. وانت ورغبتك في النهاية .. اذا حبيت تروح روسيا لازم تمر السفارة وتأخذ فيزا ، لكن يفضل انه يكون عندك حد هناك تعرفه لأن النصب هناك مثل ما يقولون على افا من يشيل .. |
رد: أرجو من الخبراء ألمساعده مهم جدا لكلب القوقاز
هذي المشكلة يالغالي ماعندي احد أهناك
بس من خلال بحثي في ناس تقولي تري في تركيه سلاله بيور بس لازم تدور انا عندي ناس اهني بالكويت أتراك أعرفهم من اسنين خوش ناس بقول لهم يدبرون لي شخص من طرفهم يساعدني بالموضوع وهم قاعد افكر أعيد نفس الحسبه للجيومن شوبرد بس هذا في التشيك والله محتار القوقازي انا حابه لانه شي جديد بالنسبه لي واغلب الناس الي عندهم خبره قالولي اهو طباعه نفس الجرمن شوبرد صراحه بعد هذي العوائق ما ادري شسوي محتار |
| جميع الأوقات بتوقيت GMT +3. الساعة الآن 12:05 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو