منتديات تو زوو - البلو فرنتد عذبني

منتديات تو زوو (http://www.2zoo.com/vb/index.php)

- سؤال وجواب لقسم هواة الببغاوات (http://www.2zoo.com/vb/forumdisplay.php?f=73)

- - البلو فرنتد عذبني (http://www.2zoo.com/vb/showthread.php?t=334172)

البلو فرنتد عذبني

السلام عليكم ورحمة الله وبركاته

عندي الببغاء اعطيه تفاح او ذره او اي شي من الاكل ياكل وكل شي تمام بس بقايا الاكل ينزل اسفل القفص ينزل ياكله كيف اخليه يبطل هالعاده لان في براز وهيك واكيد يضره تقول كل شوي تعطيه نظف القفص كذا بتعبني على الفاضي

رد: البلو فرنتد عذبني

والله ياخوي نفس حالتك فرخ البلوفرونتد حقي يسوي مثل اللي عندك وحيرني معاه هههههههههه
واتمنى من الاخوان يفيدونا بخصوصها

رد: البلو فرنتد عذبني

وعليكم السلام..

أخي الكريم هناك شبك حديدي خاص بالقفص..يوضع على أرضية القفص فوق الدرج البلاستيكي.

جرب تحطه وان شاء الله الببغاء يترك هذه العاده..

بالاضافه الى تقليل كمية الاكل التي تقدمها للببغاء..يعني لو تبي تعطيه تفاح..أعطيه قطعة صغيره بحيث يأكلها في وقتها.

بالتوفيق
أخوك رمزي

رد: البلو فرنتد عذبني

اقتباس:

المشاركة الأصلية كتبت بواسطة the_gostman (المشاركة 3044317)

في شبك واعطية كميه قليله بس هو يقطع منها اوصاال وتنزل تحت في الارض وينزل لها

رد: البلو فرنتد عذبني

وعليكم السلام ورحمة الله وبركاته
ارفع الشبك
عن ارضيه القفص بحيث حتى لو نزل مايقدر يسحبها او ياكل منه
بتوفيق ان شاء الله

رد: البلو فرنتد عذبني

طيب الاستاند مافيه شبك
الحل معاه ههههههه

رد: البلو فرنتد عذبني

اذا بالقفص ارفع الشبك اللي بالارضيه على حد القاعده البلاستيكيه

اذا استاند لا تعطيه كثير قطعه وحده صغيره

وغير كذا ما فيه حل

رد: البلو فرنتد عذبني

المشكله بسيطه وحلها أبسط , إن شاء الله

واللي يسويه طيرك شي طبيعي
لأن السبب الرئيسي اللي يخليه ينزل تحت هو "الملل"
وهو يحاول يسلي نفسه بأي شي

والحل ان شاء الله
بالخطوات التاليه
.........

1- رفع الشبك

طبعاً لارفعت الشبك ماراح يمديك تثبته الا لمن تربطه بالقفص
والافضل تستخدم "كابل البلاستيك" لانه قوي ومايمديه يقطعه وسعره رخيص
واعتقد تحصله عند الكهربائيين او قطع غيار السيارات اللي جنب الورش

هذي صوره له

http://im63.gulfup.com/itACs.jpg

وبهذي الطريقه تضمن انه ماراح يوصل للفضلات اللي تحت
لكن يوجد احتماليه انه يعضعض الشبك

لذلك من الافضل ان تتبع الخطوه اللي بعدها

__

2- إلهاء الببغاء

مثل ماقلت سابقاً السبب الرئيسي اللي يخليه ينزل لعند الفضلات هو الملل
وطبعاً لابد ان تلهيه بأي شي مثل وضع الالعاب او حطله مرايا او اي شي يجذبه
وخرجه من القفص , لكن إنتبه من الاسلاك والاشياء المهمه عشان لايخربها لك

اما الاكل مثل التفاح والفواكه وغيره الافضل انك تأكله اياها خارج القفص
"وانتبه من بذور التفاح" لاتخليه ياكلها , لأنها سامه

.........
أتمنى اننا نكون افدناك
وأي استفسار احنا حاضرين [:

موفق

رد: البلو فرنتد عذبني

اقتباس:

المشاركة الأصلية كتبت بواسطة kha6ab (المشاركة 3045258)

معاك حق بس المشكله يخاف من الالعاب والقفص ماودي اخرجه عشان مايعدم ليا البيت

رد: البلو فرنتد عذبني

اقتباس:

معاك حق بس المشكله يخاف من الالعاب والقفص ماودي اخرجه عشان مايعدم ليا البيت

كيف ماتخرجه الله يهديك ؟
أجل تبيه يقعد طول عمرهـ محبوس بالقفص ؟

ماينفع كذا لازم تخرجه , وتغير من روتينه
وإذا خايف انه يعدم البيت بسيطه ياخوي , خليه جنبك لايروح بعيد
واشتريله استاند .