|
شنهو الحل مع الكاسكو المزاجي..!!!
السلام عليكم ورحمه الله وبركاته
اسعد الله مسائكم وصباحكم بكل خير يا حبايبي ما اطول عليكم يا حبايبي الكاسكو حقي مزااااجي وكل يوم له طريقة في التعامل الحمد لله اهو هادي ويتكلم وجريء لكن اول ما شريته كان عمرة فوق السنتين كان صاحبة يلقنه لكن ما روضه اي احد يقرب منه يعضه انا حاولت اروضه بعد ما شريته والحمد لله كان فيه نتائج جميلة بالترويض بس اللي مزعجني بعض الأوقات اشوفه هادي ويطلع لي صوت اعرف انه يبقاني ادخل يدي له واقوم امسح على جسمه افتح القفص وامسح على جسمة وعادي مستانس وما يعض ولا يسوي شي وما يبيني اشيل يدي ومع هذا يطلع لي من فمه اكل ويعطيني اياه ومطمأن لي 100% وبعض الأوقات اذا حبيت انا ادخل يدي وامسح عليه ما يرضى ويعضني وسبحان الله ما يرتاح لي الا بعد ما اقوم اصلي جنبه يقوم يطلع لي صوت انه يبيني امسح عليه بس في مشكله ثانية ما يرضى لي امسح عليه الا لا كنت لابس لبس لونه ابيض اما لا لبست اي لون ثاني ما يبيني ..؟؟ ابي اعرف شنهو الحل معاه اللي يخليه ينسى العض نهااائيا ؟؟ واسف ع الاطالة |
رد: شنهو الحل مع الكاسكو المزاجي..!!!
هذي مشكلة الترويض بالفانيلة والسروال هههههههههه
والله يالغالي اي ببغاء في العالم .. القفص يعتبره بيته و اي كائن يدخل بيته بدون اذنه يعتبره انتهاااك للخصوصيات -_- ويعضض بدون اي تفاهم اذا هو قالك تعال حياك اما روحك تضيف نفسك بنفسك ماينفع ~.~ بخصوص اللون الابيض .. يمكن لانك وقت الترويض كنت تلبس ابيض !! انت حاول معاه بحيث تتدرج بالالوان يعني تلبس قطعة بيضا وقطعه بنية مرة تحط شال لون ثاني مرة تلبس قميص ابيض ومثلا مكتوب عليه بالسواد وهيك شوي شوي موفق |
رد: شنهو الحل مع الكاسكو المزاجي..!!!
عليكم السلام ورحمة الله وبركاته عزيزي بالنسبة للكاسكو يحتاج وقت حتى يتعود على صاحبه الجديد ودائما الطيور عندما تقابل اناس جدد يكون ردة فعل الطير سلبية لانه ما يعرف ايش بيسوي له هذا الغريب ويخاف انك تؤذيه مما يدفعه للدفاع عن نفسه بالعض انا اشتريت طيور وكانت بالبداية تعضني وتهاجمني وبعد فترة انا استغربت انها صارت اليفه واحط صبعي في فمه ولا يعضني والسبب يعود الى الاهتمام الي يحصله الطير مني من وضع ماء واكل وتنظيف القفص لهذا اقول لك لا تستعجل على الطير وخليه تدريجيا يتقبلك ومثل ما قال اخي رآبت حاول انك تغير عن اللون الابيض وتقرب من الطير من غير تحاول تلمسه خلي الطير يأمن لك ويطمئن وان شاء الله بتشوف سلوكه تغير تحياتي ابورضا |
رد: شنهو الحل مع الكاسكو المزاجي..!!!
اقتباس:
|
رد: شنهو الحل مع الكاسكو المزاجي..!!!
اقتباس:
|
| جميع الأوقات بتوقيت GMT +3. الساعة الآن 11:13 AM. |
Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو