منتديات تو زوو
الصفحة 1 من 2 1 2
عرض 40 مشاركات من هذا الموضوع لكل صفحة

منتديات تو زوو (http://www.2zoo.com/vb/index.php)
-   سؤال و جواب لقسم هواة القطط (http://www.2zoo.com/vb/forumdisplay.php?f=59)
-   -   ساعدووووني بليزززز ،، قطوتي تولد ... (http://www.2zoo.com/vb/showthread.php?t=54008)

تايني 08-03-2008 02:42 AM
ساعدووووني بليزززز ،، قطوتي تولد ...
 


مسااااء الخييييير او صباح الخيررر

المهم بليييز ساعدوني قطوتي توووولد الحين تو صار ينزل شي

مثل الماي و مو عارفه شنو اسوي معاها .. حاليا اخوي قاعد يمها عشاني شفتها

تآن وخفت عليها مسكينه كسرت خاطري ...

ابي اعرف جم تستمر فتره الولادة وشلون اتعامل مع الصغاااار و اهم شي

شلون انظفهم لو وصخوا ( يعني اكيد ماراح يستعملون الرمل واهم صغار ) فشنو اسوي معاهممم ...

طلبتكم لا تردوووني و دعواااتكم لقطوتي الله يقومها بالسلااامة يارب ..

للعلم .. الجو هاليومين حار عندنا وانا قريت ان لازم ندفي القطوة وقت ولادتها

بس شلون اسوي هالشي والجو اصلا حااار ...

اتمنى احد يرد علي بسرررعه

مشكوووورين والسموحة على الاطالة ...

تايني 08-03-2008 03:01 AM
رد: ساعدووووني بليزززز ،، قطوتي تولد ...
 
يا جماااااعه

الحين ولدت واااحد بس لحينه لازق فيها و كل ماتحركت اهو مكانه

ماعرف شنو اسوي وليش ماطلع كامل لحين ؟؟؟؟

اهو الحبل لحين مانقطع ماعرف شنو اسوي

هل القطوة تشيله بروحها ولا شنوو ؟

لا تردوني عفيه ساعدونييي :(

أسير الدمعة 08-03-2008 04:55 AM
رد: ساعدووووني بليزززز ،، قطوتي تولد ...
 
الف مبروك
هي من متى بدت الولاده
كم لها ساعه؟؟

تايني 08-03-2008 06:34 AM
رد: ساعدووووني بليزززز ،، قطوتي تولد ...
 
هلا اخوي الله يبارك بحياتك

الحمدلله كملت ولادة وما شاءالله عليها

ولدت 5 و تقريبا بدت ولادتها الساعه 3 وكملت على

ال 5 ، بس خايفة من شغله انا مخليتها معاهم الحين عشان ترضعهم

وبس ارجع اطل عليهم الاقيها تطالع فيني و فيهم احسها مو عارفه شتسوي

و ارجعها مكانهم عشان مبين عليهم يبون يشربون حليب ، ماعرف شنو اسوي ....

enta 3omri 08-03-2008 03:56 PM
رد: ساعدووووني بليزززز ،، قطوتي تولد ...
 
اول شي الله يقومها بالسلامه

ثاني شي بالنسبه للصغار حاولي ماتقربين منهم

لأن امهم راح تعتني فيهم

وهم ماراح يوسخون الا بعد شهر تقريبا

انا قطاوتي كملت شهر بعدين ابتدو يروحون للتراب اعزكم الله

يعني لا تقلقين من هالناحيه

بعد مايكملون شهر او شهر ونص يبتدون ياكلون

بس حاولي ماتأكلين اشياء ثقيله

يعني ابتدي بالجبن بعدين دجاج مقطع صغير

بعدين دجاج مع بطاطس ودراي فوود

وطمنينا عليها

enta 3omri 08-03-2008 03:59 PM
رد: ساعدووووني بليزززز ،، قطوتي تولد ...
 
تايني حاولي ماتشيلين الام عن عيالها

ولا تقربين منها كثير لأنها احتمال تاكل عيالها او تموتهم من خوفها عليهم

وقربي الاكل منها عشان ماتبعد عن عيالها

بس سؤال انتي وين حاطتها الحين؟

أسير الدمعة 09-03-2008 01:10 AM
رد: ساعدووووني بليزززز ،، قطوتي تولد ...
 
اقتباس:
المشاركة الأصلية كتبت بواسطة تايني (المشاركة 504796)
هلا اخوي الله يبارك بحياتك

الحمدلله كملت ولادة وما شاءالله عليها

ولدت 5 و تقريبا بدت ولادتها الساعه 3 وكملت على

ال 5 ، بس خايفة من شغله انا مخليتها معاهم الحين عشان ترضعهم

وبس ارجع اطل عليهم الاقيها تطالع فيني و فيهم احسها مو عارفه شتسوي

و ارجعها مكانهم عشان مبين عليهم يبون يشربون حليب ، ماعرف شنو اسوي ....
يمكن اول ولاده لها عشان كذا مرتبكه
حاولي تتعاملين معها بهدوء
والاطفال مايدخلوا ابدا...
هي تحتاج اكل الآن بشكل اكبر
وستلاحظين في الايام الجايه ان شهيتها مفتوحه جدا
ومايمنع انك تطمني عليها وتمسحي عليها
بس حاولي انك ماتتعدين على خصوصيتها
والله يقومها بالسلامه.

تايني 09-03-2008 07:14 AM
رد: ساعدووووني بليزززز ،، قطوتي تولد ...
 
انته عمري .... اسيير الدمعة

اول شي مشكورين علي المرورر وماقصرتوا والله

بالنسبة للقطوة ( تايني ) اهي موجودة في غرفة لحالها مع الصغار

وبين فتره والثانيه اطل عليها وبالعكس احسها ترتاح لوجودي يعني

اول ما افتح الباب تتدلع و تمد رجلها عشان امسح عليها وكنت معاها

فتره الولادة ولا خافت .. اول ماولدت كانت ماتقرب يم الصغار بس مرتين

ثلاث كنت اقربها منهم وخلاص تعودت الحمدلله الحين ..

بالنسبه للاكل فمرات احاول اوكلها من يدي لاني في كل مره اشوفها

القاها ترضعهم يعني ماحس في عندها وقت تقوم وماشاءالله عليها تاكل

بشراهة غير عن قبل مثل ماقال الاخ اسير الدمعه ..

اهي صار لها يومين من ولدت تقريبا و ودي اني احممها و انظف مكانهم

عشان احس انهم بمكان انظف اكثر فمتي اقرب فرصه اقدر احمم الام فيها ؟؟

او اكتفي في اني انظفها بفوطة رطبه ..

تعبتكم وياي اعذرومي ;) ومشكوورين

sherazya 09-03-2008 08:35 AM
رد: ساعدووووني بليزززز ،، قطوتي تولد ...
 
اول شي مبرووك و الحمدلله على سلامتها .. و حاولي لا تحمميها الحين خليها جذي وبس نظفي مكانهم و نطري عليها شوي و بعدين حمميها .. و اهي اكيد بنتقلهم مكان ثاني يعني انتي راقبيها لان ساعات تحطهم بمكان مايناسبهم

سعادوو 10-03-2008 07:46 AM
رد: ساعدووووني بليزززز ،، قطوتي تولد ...
 
الف الف الف الف الف مبروووك على القطاقيط الصغار ويتربون بعزج ان شاء الله
اختي بعطيج نصيحة من تجربتي .. اهتمي بأكل القطوة الام وااايد ..لان انا يوم ولدت قطوتي استوت ضعيفة واايد هيكل عظمي.. مع اني اهتميت في اكلها و نوعته لها وحطيت فيه فيتامين .. الفطاوة الصغار عقب اسبوعين من الولادة خلي تضرب عليهم الشمس شوي لمدة نص ساعة يعني حطيهم عند الدريشة مب تطلعيهم بره..لان الشمس ما تسوي فيهم فطريات
ان شاء الله اكوون افدتج


جميع الأوقات بتوقيت GMT +3. الساعة الآن 07:21 PM.
الصفحة 1 من 2 1 2
عرض 40 مشاركات من هذا الموضوع لكل صفحة

Powered by vBulletin® Version 3.8.8 Alpha 1
Copyright ©2000 - 2025, Jelsoft Enterprises Ltd
الحقوق محفوظة لمنتديات تو زوو