عضو جديد،،حبيت اشكركم و هم اسئلكم
 

السلام عليكم و الله يعطيكم العافية على هل منتدى الاكثر من رائع .

انا حبيت الطيور و خصوصا الطائر المشاغب الكاسكو من المنتدى هذا . والله ان المنتدى صار ادمان كل يوم ادش اشوف شكو ماكو عندكم :)

و كل مواضيعكم جميله و شيقه و مفيده و للأمانه موضوع الاخ ممدوح عن طيره ابو جناح كامل شدني زياده و خلاني اسجل، لأن طيري المشاغب بوعيون سود من اول ماخذيته و الحين صارله عندي 3 اسابيع و كم يوم مسويلي نفس الحوسه

على طول فوق راسي ولا الستاير ولا بالديكور و ملعوزني بعزكم الله القنابل اللي يلقيها و انا شغلتي امشي و امسح من بعده و اذا حطيته بالقفص يسوي حركات يلزق راسه بالقفص و مثل الثور يرفس بريوله ويحذف الحب الشمسي بره القفص مادري شنو الحل معاه هل اقص ريشه ولا الصقه ولا شسوي فيه ؟؟؟

مع انني مستانس انه يطير و يتحرك لأني اشوف صحته مع الحركه والطيران وايد احسن من اول ماخذيته و مسوي جو بالمكان و ايضا مسويلي فلم رعب مادري في اي لحظه يسقط قذيفه ولا انه ادش بالطوفه .

\/\/افيدوني الله يرحملي والديكم و لكم دعائي و جزيل الشكر و آسف على الاطاله\/\/.

اخوكم الجديد :
عبدالله من الكويت

رد: عضو جديد،،حبيت اشكركم و هم اسئلكم
 

نسيت اقولكم مبارك عليكم الشهر الكريم

رد: عضو جديد،،حبيت اشكركم و هم اسئلكم
 

الله يبارك فيك ؟
الاعضاء بفيدونك تقبل مروري ؟

رد: عضو جديد،،حبيت اشكركم و هم اسئلكم
 

السلام عليكم اخي عبدالله هذي حيات الببغاوات في موطنها الاصلي دائما منطلقا وتشعر بالحريه وشيء جميل انك ترى طائرك نشيط ويتنقل بالمنزل وان دل هذي فأنهو يدل على نشاطه الله يحفظه لك وبالنسبه للحوسه الي مسويها مثل ماقلتلك انه لم يتعود على الحكره وانشالله مع مرور الوقت بتشوف انه طيرك بدى يخضع ويتعود على البيئه الي اهو فيها معاك بس عليك بالصبر وانشالله تلقى خير واسمحلي عالاطاله شكرا

رد: عضو جديد،،حبيت اشكركم و هم اسئلكم
 

مشكورين على المرور الطيب يا اخوي الرازم و اخوي بوساره و مشكور على الكلام الجميل :) قاعد افكر احطله سلسله (اللي تـنربط يالرييل و القفص او لستاند بس اخاف انه اخاف او اعور نفسه او تتغير نفسيته على وانتو شرايكم ؟

رد: عضو جديد،،حبيت اشكركم و هم اسئلكم
 

السلام عليكم
وأهلا وسهلا فيك بالمنتدى شرفتنا , بالنسبة للسلسلة ما أنصحك أشان ما يعور نفسه و أشان ما يتضايق خله على راحته بس قبل لا أطلعه لا أتأكله وايد أشان ما يخرج وايد

رد: عضو جديد،،حبيت اشكركم و هم اسئلكم
 

هههههههههههههههههههههههههه

حلوة منك اخوي


انصحك انا انك تقص له ريشه بس موب انت خلي واحد مختص يقص ريشه او عند الطبيب

وحاول تعطيه العيون الحمر لا تدلعه مره خخخخ

بالتوفيق

رد: عضو جديد،،حبيت اشكركم و هم اسئلكم
 

والله ايضا خووووش كلام اخوي محب للكوكاتو شكرا للنصيحه .
و اخوي يووويووو شوي انا من معارضين قص الريش لأن الطير اذا اطير تشوفه سعيد (مزعج) و مرتاح(حنّان) و صحته و شهيته(حق القنابل و المشاكل اعزكم الله) تشوفها افضل . والله شغله تحير . انا قلت وددي احطله السلسله اذا بقيت اطلعه برى يعنى مثلا حديقه ولا شرايكم ؟ اخاف بعدين اقول مثل ما قال المثل اذا طار كاسكووك قول سبيل.