[سها]

يا قلبى

قلبى وجعنى والله

بصى حبيبتى بالله عليكى بلاش تعمليليها حاجة علشان اولا هتألميها جدا ثانيا ممكن تعملى حاجة غلط وتأذيها اكتر

بصى حبيبتى اهتمى بس بأكلها وشربها ونضافة الاكل والشرب والمكان كويس

وكمان تهوية جيدة وبالليل حاولى تنيميها فى مكان دافئ مش بارد حرام

بس وهى ممكن رجلها تخف لوحدها متقربيش من رجلها ربنا يخليكى

انا كان عندى قطة كدا فى يوم دخلت عليا ويظهر حد شرير ربنا ينتفم منه ضربها على رجلها مكنتش قادرة تمشى خالص الجزء الخلفى كان بيألمها ومكنتش بتمشى لكن انا مقربتش لرجلها ولا عملتلها حاجة وسبتها لحد ما هى خفت لوحدها ورجعت طبيعى الحمد لله بس المسألة دى أخدت وقت واتعذبت وعذبتنى معاها

معلش حبيبتى هتتعبى شوية بس معلش اوعى تتخلى عنها

ووفريلها حماية كويسة يعنى متخليش قطط تدخل عندها علشان ممكن تضربها وهى مش ناقصة

ربنا يوفقك حبيبتى لأنك تحافظى عليها وتنقذيها يا رب