[wwvip]

السلام عليكم


كيفكم جميعا عساكم بخير ...

قبل لا ابدا بالموضوع ..

سبحان الذي غرز فينا الرحمه تجاه اي من مخلوقاته
سبحان الذي اعطاء المخلوقات الرحمه فيما بينها




عندي قط اشتريته من امس .. وكان باين عليه المرض القوي !!

اشتريته ب 50 ريال .. لعل انه يتشافى او يموت ويرتاح من البيت اللي كان عندهم

النوع - ذكر او انثى .. لا اعلم عنه شئ

كانت حالته يرثى لها ..!!
خملان .. وقذر لدرجه لا تستطيع تصورها

لا يقوى على اي حركة !!
ينظر فيك نظرات -- ابي رحمه وابي اهتمام --

تقيمي لحالة القط


الاذان متسخه جدا لونها الداخلي اسود !!
حالة التنفس صعبه جدا جدا جدا !! اسمع صوت خرير الصدر كانه مليان بلغم ويتنفس وهو فاتح الفم قليلا !
شهية الاكل معدومه ..
حطيت له باقيا لحم دجاج ولا اكل منها
حطيت له دراي فود ونفس الشئ
ما شفت اخذ الا ماء فقط ! ويمكن ما تجي حتى 1 سنتم !
دايم خملان ومنسدح وان دخلت عليه يمو مو بس بصوت لا تكاد تسمعه من كثر تعب الصدر
العين اليمنى ما يقدر يفتحها دايم مسكره وكلتا العينين عليها بقع سوداء يا بسه وعلى الخشم كذلك ..
انا كنت ناوي اروشها .. بس صراحه خفت اني ازيد الطين بله واتعبه زياده

جربت معه اعطيه اي اكل حتى التونه فتحت له علبه لاني اعرف ان ريحتها قويه ودايم القطط تشتهيها بقوه ..
لكن ما حرك ساكن ولا اكل شئ !!

اذا كان قاعد وجيت لمه ومسحت على راسه احس انه يون من التعب !!

اذا دفيت راسه شوي على وراء احسه ما يقدر يمسك عمره وينام على الارض بشكل كامل وكانه مسلوب الحركه او معاق


والله يا اخوان اني في حياتي ما عطفت على حيوان كثر هذا
لدرجه اني طفشان شوي اخاف يموت بسبب تقصير مني
الان لسى ما كمل 24 ساعه بالبيت

بالبيت عندي قط ثاني يعاطس بشكل قوي كانه راعي غنم
ويطلع من خشمه هذاك الشئ
لدرجه اني من اول مزكوم شويات
واحس جاني رشح وصرت اشك فيه انه نقل لي العدوى


طبعا الاثنين ذولا كلهم من حراج الطيور وعزلتهم عندي كل واحد في مكان ...

بالمرفقات صور القط التعبان مره واعذروني التصوير من جوال