[آنـــــو]

ماآقول الا حسبي الله ونعم الوكيل على كل واحد يتجرد من آنسانيته علشان حفنة فلوس

لابارك الله فيهم ولاكثر من آمثالهم آشباه البشر ..



آخوي العزيز آنت خذيته علشان تعالجه ولا تحطه بالبيت ؟! لآن القط محتاج علاج ضروري

وعندي شك كبيره معاه التهاب رئوي ،، والآنف والعيون محتاجه تنظيف بشكل عاجل علشان يتنفس

آول شي نظفهم بمنديل ومويه دافيه وممكن تظيف رشة ملح ،، الملح معقم ومطهر ..

وبعدين أذا قدرت وحبذا تجيب من الصيدليه البشريه قطرة آنف للمواليد وتقطره قطره وحده بفتحه وحده من الآنف ..

وآرجع آعيد القط يحتاج مضادات حيويه .. الآبره لحالها تحت الجلد ماآعتقد تكلف آكثر من 20 ريال

ومضاد حيوي بيتاموكس قيمته 30 ريال وهو عن طريق الفم تاخذه معاك البيت وتعطيه مرتين باليوم ..

ولو عندك قطط سليمه ضروري العزل ،، السليم عن المريض

والأكل لو تقدر بس تعطيه زبادي بالسرنجه آو دجاج مفروم مع موية السلق آو محلول بيبي لايت للجفاف لآن محتاج يتعوض سوائل

بس آنتبه تشرقه لآنه مو ناقص سوائل بصدره .. وآستمر بآعطائه آكل رائحته قويه علشان يجذبه

وآنت لما تنظف له خشمه آن شاءالله بيشم الريحه وتفتح شهيته بس لآن الحين مايشم شي آبداً

والبخار بعد مفيد مع ملعقة فيكس صغيره بيفتح الشعب الهوائيه عنده ..

وأحتياط غسل آيدك بعد كل تعامل معاه ..

والله يوفقك على هالمعروف ويكثر من آمثالك ولايحرمك الأجر العظيم ..