السلام عليكم
اخيرا رجعت لكم بعد غياب دام سنه تقريبا احب ان اسلم على الي كنت اعرفهم
وارحب بالجدد البسه حقتي وانا داخل البيت سمعت صوت صريييييخ
ولعت النور لقيت البسه ولدت اثنين واحد يرضع والثاني صادو واحد من الذكور
وحطو في فمه ويبغى ياكلو
جيت انا صرخت في وجهو قام شالو من راسو بقوه وجرحه وبعد كم ساعه مات
المصيبه هداك الي يبغا ياكلو اخو الكبير بس من ام تانيه
واجي ياجماعه الخير امسكو واطيح في ضرب واحطو في السجن
غرفه محبوس فيها وكل شويه يزعق ميو ميو
تاني يوم ما سمعت صوت قلت شكلو مات فتحت الباب البس غير موجود
لقيتو فك الشبك ورما نفسو من الدور التاني
واروح ادور عليه والاقي في الحوش خايف من بساس الشارع شلتو وبعتو
الله لا يردو البس الي عاش ماشاء الله شكلو زي الي في الصوره الرمزيه حقتي توأم
واسف على الاطاله ونصيحه البسه لما تكون حامل خلوها لحالها
.................................