[هاوي ثعابين]

السلام عليكم

في البدايه احب اقدملكم نفسي (هاوي ثعابين) في بدايه المشوار.

انا عضو جديد في المنتدى العظيم 2zoo

و هاذي اول مشاركه لي يارب تتحملوني و ثقاله دمي ...................

المهم انا عندي ثعبان برمائي صغير طوله 30سم ياكل سمك (ما اعرف اسمه العلمي) صارتله حادثه قبل اسبوع (تسكر عليه باب)و الضاهر ان ضلوعه تكسرت في البدايه حسبته يحتضر ما كان يتحرك الا راسه و حركه بسيطه بس و لما يتنفس تسمع مثل التنسيم عند مكان الجرح و كان يستفرغ بعدين ما قام يتحرك ابد مده ساعتين حسبته مات بس شوي شوي بدا يتحرك بعد يوم صار يتحرك ويروح و يجي طبيعي لاكن تجيه ساعات ما يتحرك ابد تحس انه ميت و ساعات ما تقدر تمسكه من سرعته و لما تتحسسه من مكان الجرح تحس ضلوعه تتحرك و يطلع صوت غريب وديته لبيطري لاكنه ما ساعدني بشي بس عطاه مرهم يمتص الورم و راح الورم بس لازال على نفس حالته و حطيتله سمكه من 3 ايام بس لحد الحين ما اكلهامع العلم له اسبوعين ما اكل (في العاده ياكل كل اسبوع و نص) ارجو انكم تساعدوني قبل لا يموت او يجيه شي تراه عزيز علي.

آسف على الاطاله بس تحملوني