|
رد: مستلزمات القطط كامله بالصور والأسعار كل شي تفكر فيه عندي وبس
عندي تعليق على جملة : قروشكم زايده ,,
مو كلنا ضروفنا فوق السحاب أو عندنا بنوك عشان تكون زايده ولا مو زايده ومو كلنا من عوائل غنيه أو مبذرين .
لكن إحنا بأغلب المحلات كدا اسعارهم وحتى لو درت اكتر من محل بلاقي نفس الاسعار بفارق بسيط
يعني ما اشتري حاجيات قطي عشان الاسعار غاليه ؟ فـ نطـر إننا نشتري وإحنا ساكتين أهم شي مانقصر على قططنا
فلما نسمع إنو الشخص الفلاني اشترى مثلا تراب للقط بسعر رمزي : مثلا 20 ريال وماركه طيبه تعتبر
نستغرب لآنو دورت محلات كتير مالقيت نفس السعر اللي هوا اشتراه فـ نطر إننا نرجع نسأل الشخص الفلاني من أي محل اشتريتو ؟! عشان أروح لو
انا اكتر المحلات اللي رحتها تقريبا نفس الاسعار عاليه
لآنو مافي مكان معروف الكل يروح لو عشان أنا كمان أروح والمحلات بجده تقريبا كلها زي بعض بموضوع الاسعار
ممكن في محلات صغيره ومو معروفه واسعارهم حلوه لكن وين ؟! هادا هوا السؤال وين !!!؟؟!!! عشان نشتري اللي نحتاجه وتجي الحسبه كويسه
ماأقول في شيي رخيص يلا هاتي لا أنا ماتعجبني كلمة الرخيص أبغى اللي سعرو فيه اللي استفيد منو وقطي يستفيد . هادا رأيي الشخصي ..
|