ست شهور ولا كلمة
السلام عليكم ورحمة الله وبركاته
تكفون ياجماعة الخير عطوني حل مع ذا البلية
انا شريت كاسكو جانبو من ست شهور وراعية غشني بانه قال لي انه فرخ عمره في حدود الثمان شهور واكتشفت ان عمره من السنة والنصف الى السنتين وقلت يالله يارجال يمكنها خيرة
المهم الحين الطير مروض تمام التمام يجي على يدي ولا يجعر ويبوسني ويصفر وتوه بادي يطقطق ماله سبوعين بس للحين ولا طلعت منه ولا كلمة وانا تقطع حلقي وانا كل يوم القنه بابا ولا فيه اي تقدم . وش الحل هل من الممكن انه يتكلم ولا ماله امل وشكرا وكيف الطريقة الصحيحة للتلقين يمكن اني مالقنه عدل, وغير كذا ماياكل من يدي لو وش اسوي مايرضى ابد ياكل من يدي ياخذ الحب ويرميه
وش الحل مع ذا المشكلتين وشاكر لكل من سيرد على الموضوع.
|