[محبة الأرانب]

حكمل دحيين

تعرفوا ايش دايماً احلم ؟؟

اخنا مسوين عمارة فوقنا ولسة ما خلصت من البوية وهادي الأشياء بس انا حلمت :.

فنفسي :. دحين العمارة خلصت حاخدلي شقة عشان البسس لما اجيبهم ما يمنعوني..

وطبعاً بابا رضيلي وجبنا 4 بسس جودي ولوسي وبوسي ولولو ومعاها كل المستلزمات والألعاب ووو كل شي..

واقعد العب معاااهم وانااام معاهم اعيش معاهم ورووووووعة حتى اكل معاهم << مو يعني من اكلهم .

هو داه الحلم بس باختصار مااافي زيه ولا هو طويييييل لو تشوفوني كل ليلة نفس دا الحلم.....(من كتر عشقي للبسس )

نفسي اعرف ليش ماما واختي الكبيرة يحسبوني دلووعة بس وادلع عليهم عشان البسس ؟؟

انا من جوة محروووقة محرووووقة ولسة النار ما انطفت جوتي .... انا... حزيييينة كئييبة مالي احد افضفض له غيركم ارجوكم ايش الحل ارجوووووكم انا دحين اكلمكم وانا ابكي ارجوكم انا .....مسكيييييينة مظلوووووووومة

وحتى لو قلت لأحد يتريق علي ويقعد يضحك ويطنش.....انا اتحدى اتحدى اذا كان احد في العالم زيي ابكي عشان بسس واتعقد عشان بسس واكره اختي عشان بسس

انا مظلووووووووووووووووووووووومة يا عاااااااااااااااااااااالم اسمعوني ......افهمووووني .........ساااعدووووني

لا تضحكوا علية انا حالتي مالها حل غير البسس .....

حتى اني لما ماما او بابا يخاصموني او يضربوني ارووح ابكي واضم البسة وابكي واكلمها وافضفض اللي جوتي لها واقلها انتي الوحيدة اللي تفهميني في العاللم كللله صدقووووني لما اقعد معاها كدة خلاص على طول اروق لكن دحين ماعندي بسس اروح في السرير اضم المخدة مافي بسة واقعد ابكي واكلم نفشي واحقد على العالم وطبعاً مايسير كدة لما اكون مع بستي .واقعد كدا في السرير وقت طويييييل اما مع البسة وقت قصير........

اناااااا....عاااشقة قطط بجنووون فوق الحد المسموح....

متأكدة حتضحكوا علية لكن ارجوكم لا تكونوا زي البقية وساعدوني....

لا تقرأوا موضوعي وتروحوا ساعدوني ...

على الأقل خففوا علية لو ما تعرفوا بإيش تساعدوني

المهم عندي ردوا وساعدوني

وابغى اقول شي مهمم .......
الموضوع مو.......تخريف
الموضوع مو ......منقول
الموضوع من......حياتي الحقيقة
الموضوع من........كتابتي

تاابع لكن بعد الردود