[صمت الأمل]

بصراحة المكان اللي أنت حاطة فيهم حلو ,,



في السطح وبدون إزعاج أحد وياخذون راحتهم بالتمشي والأكل طبعا ..



لكن فيهـ ملاحظة بسيطهـ .. هل السطح فيهـ تربهـ لهم عشان يحفرون ويرتاحون فيها ؟؟



لأن الدجاج يموووت في التراب ,, يتنظف ويلعب ويحفر ويبحث ويقلب في هالتربهـ ..



وأيضا يبيض عليها ويربي عيالهـ ويعلمهم عليها ..



ممكن تجيب لكـ جيكـ أو صندوق خشبي كبير وتكب لهم تراب وحصى صغير و قشاش فيهـ .. وراح تشوف أنواع التفحيط فيهـ ..



وحط في زاوية هالتراب صندوق خشبي أو شيء مشابهـ لهـ وحط داخلهـ تراب وقش ,, واذا اكتشفتهـ الدجاجهـ راح يعجبها وتقرر ان شاء اللهـ تبيض فيهـ .



أنا استخدم صندوق الحمام اللي يجي بالحبهـ .. حلو ومناسب ويحبون يرجنون فيهـ .



وأيضا نقطة مهمهـ ,, الدجاج اللي عمرهـ أقل من سنهـ تقريبا مستحيل ترجن لأن مايكون عندها خبرة او قدرة انها تجلس على البيض .



صحيح يعضهم يرجن ,, لكن البيض بيفسد أو ماتعرف تقلبهـ كويس أو تجي دجاجهـ ثانيهـ تطردها وماتتركها في حالها .



فشوف كم عمر الدجاج اللي عندكـ واتركـ لكـ كم حبهـ عمرها كبير واختار لكـ وحدهـ ماتحب الناس .. وتخاف منهم حتى لو هي متربيهـ عندكـ من وهي صغيرة .



هذي أكثر شيء أشوفهـ يرجن عندنا بهالطبع ,, أما الوليفات بزيادة ماتفكر ترجن الا اذا شافت الدجاج الثاني أرجن واشتغلت حمى الرجن وأنواع الحرب والهواش والنقر على البيض ..



وبشرنا ان شاء اللهـ اذا سويت هالطريقة وأرجنت الدجاجات ..



والأخ بيلز أفادكـ وسبقني بالمشاركة ,



تحياتي لكـ .