[مربية قطط]

السلام عليكم ورحمه الله وبركاته
بناء على طلب الاخ اكتوبس حبيت احطلكم صورة لدلوعتي
بس قبل بقولكم قصتها
مرة من المرات على زمن بارت كنت اطلعه الحوش من العصر لين المغرب عشان يتشمس
ودايما في هالوقت تجي قطوة نمرية تطالع في بارت من السور
وفي يوم قالت لي الشغاله انها تسمع صوت قطوة صغيرة بالحوش شمرت الاذرع ورحت اشوف ايش الموضوع وفعلا لقيت قطوة صغيرة مررة يادووب تقدر تمشي وكان باين توها فاتحة عيونها
يعني عمرها بحدود الاسبوع او اسبوعين
في البداية قلت بخليها يمكن امها تجي تاخذها ومرت ساعتين ثلاث والام لاحس ولا خبر
كسرت خاطري وحطيتها بكرتونة وصرت اعطيها حليب بالسرنج
وهذي صورتها اول ماحطيتها بالكرتون


في البداية الكل عارض على وجودها حتى الشغاله بسبب لونها
بس الحمد الله اقتنعو وصرت انظف عيونها واعطيها حليب لين كبرت وصارت تمشي وعيونها تماثلت بالشفاء وماأنسى معروف الاعضاء الي ساعدوني واخص منهم josy الله يجزاها خير
وهذي صورتها لما كبرت شوي




وبعد مافطمتها هي وبارت اتحدو وكونو الثنائي المرح
وهذي صورة لها حاليا للحين مومستوعبه انها كبرت احس اني عجووز


بس فيه شي مستغربه منه ليش وقت ماكانت صغيرة امها مارجعت واخذتها
يوم طاحت كان في الصباح والكل نايم والشغاله وقتها ماطلعت للحوش يعني بامكان الام ترجع وتاخذها بدون ماحد يحس فيها اذا احد عنده معلومة ياليت يخبرني

ووبس
بس تبون الصراحة هي احلا شي بحياتي