منتديات تو زوو - عرض مشاركة واحدة

uae_pitbull · 16-04-2007, 02:34 AM

اقتباس:

المشاركة الأصلية كتبت بواسطة dober

اخوي uae pitbull انا نشاء اللة بشتري كلب مال حراسة لبيتنا الجديد
ونابراس الخيمة مو بعيد عنك

انا حاط براسي البتبول
بس ابي منك كم سؤال مهمين

1 اخوي هل البتبول عنيد وصعب التدريب على الاوامر كة الهجون وعدم الهجوم و الوقوف وغيرة

2 هل تختلف انواع البتبول بل قوة حسب النوع مثلا" مين اقوي بتبول الروسي ولا الامريكي

3 هل البتبول كلب حراسة منزلية وشخصية ممتاز

اما بنسبة للشراء انا حاب اشتري من عندك (عندك بضاعة حلوة)
بس حبيت اسئلك كلب بتبول حق حراسة منزلية عندك ولو عندك منة كم اسعارة
وشو الالوان الي عندك منة

وشكرن لك واكيد نشالة انتا اول واحد بطرق بابة لشراء الكلب

هلا الغالي وحياك الله في الموضوع وبلنسبه للأسأله
1 اخوي هل البتبول عنيد وصعب التدريب على الاوامر كة الهجون وعدم الهجوم و الوقوف وغيرة
والله ياخوي (( لأ)) البتبول مش عنيد وصعب التدريب علي حسب الكلب الي انته بتيبه مثلا لو يبت بتبول مال ضرايب وتبيه يكون حق الحراسه صعب شوي واذا يبت بتبول صغير خليته عندك ودربته بيسمع كلامك لو اتلاحظ في الموضوع في كم صوره للبتبول حراسه كيف يدربونهم
__________________________________________________________________
2 هل تختلف انواع البتبول بل قوة حسب النوع مثلا" مين اقوي بتبول الروسي ولا الامريكي
والله ياخوي بلنسبه للانواع هي نعم تختلف مثلا في الفايت وموسم الفايتات اذا يبت كلب شارنه من سوق شارجه ب 1500 درهم ماتعرف لا امه ولا ابوه وتبي ادخله الحلبه حق الفايت علي طول بيشرد ليش لنه مافيه سلاله اما اذا يبت كلب من اي مكان روسيا ولا امريكا ولا التشيك ولا اي مكان من اوربا امه وابوه معروفين وسلالته سلالت فايت بيقاوم حتى الموت ترى يوم تبغي تشتري بتبول اول شي يسألونك انته حق شو تبيه فايت ولا حراسه ولا تربيه عاديه ولا شوو يعني ادخله العرض اذا كان فايت يقولوك سعره مايكون اقل عن 12 الف درهم اماراتي او 4000دولار امريكي
اذا كان حراسه مايكون اكثر عن 2500درهم اذا تربيه مايكون اكثر عن 1500 درهم اذا عادي مايكون اكثر عن 1000درهم اذا شووه علي حسب جسم الكلب ووزنه
_________________________________________________________________________
3 هل البتبول كلب حراسة منزلية وشخصية ممتاز
اول شي بقولك اخوي البتبول اقوى كلب حراسه في العالم اذا بتاخذ نصيحتي مثلا انا بقولك كان في واحد عنده روت وايلر وزنه اكثر عن 30 كيلو جرام يايبنه من برع مع شهادات وامه وابوه معروفين في يوم من الايام نقز حرامي بيتهم يوم هجم الكلب الحرامي ضربه ضربه قويه الله يعلف بشو اذا ماخاب ضني سيف او عتلف والجلب علي طول رد ورى والحرامي شرد والميزه المعروفه في البتبول ومشهور فيها لو اتقص ايده بشاطور او فاس مستحيل يشرد او يعاوي علي حسب سلاته
__________________________________________________________________________
اما بنسبة للشراء انا حاب اشتري من عندك (عندك بضاعة حلوة)
بس حبيت اسئلك كلب بتبول حق حراسة منزلية عندك ولو عندك منة كم اسعارة
وشو الالوان الي عندك منة
والله ياخوي حياك الله اي وقت حبيت ونحن حاضرين للطيبين ونفس ماتقول هاي هوايتنا والحمدالله بلنسبه للبضاعه اخوانك من كل مكان ايون يشترون سعوديه بحرين قطر كويت عمان دبي وشاجه وبوظبي والعين وراس الخيمه وام قيوين وحتا وكل مكان والحمدالله علي كل حال وهيه نعم موجود حق حراسه منزليه وبلنسبه للاسعار نفس ماقتلك فووق اسعارهم ماتتعدى الا 2500 درهم وبلنسبه للالوان والله علي حسب الطلب الي انته تبيه شو تبي يكون لونه اذا مب موجود عندا في الدوله انسويلك اوردر من برع علي طول اتروح تستلم الجلب من المطار لكن الشحن وتكاليفه يكون عليك اما اذا كان موجود في الدوله نعطيك اياه وتسلم علي مرورك الجميل واذا عندك اي سؤال انا حاضر