|
رد: جوانب الجمال بالكروان أعطونا ارائكم
بالفعل الكروان من اجمل الطيور في العالم من عدة نواحي ^.^
شكله بصفة عامة .. شعره وخدوده .. سبحان الله
تعجبني فيه كمان لقافته مرررة ..يعني اي شيء يكون معاك او تاكل في شيء يجيك طيران
عضعضته لكل شيء قدامه ..بمعنى حبه للاستكشاف والفضول
واكتر شيء كمان حلو فيه انه يحب صاحبه ودايما يطير عنده ..
احيانا اخلي كروانتي في الغرفة واروح المطبخ الاقيها جات عندي وقفت على راسي ^_^
غير كدا لما اسيبها لوحدها تقعد تصرخ
خفة دمه .. وهبالته ..
حتى طريقة الكلام .. بالرغم من ان صوته مو واضح بدرجة كبيرة لكن لما يتكلم حلو الكلام منه ..
برضو الحلو فيه انه قابل للتعلم والتوليف بشكل سريع ..
كمان حب الكروان للاستعراض قدام المرايا واحيانا قدام الاستشوار والشباصة ههههههه مدري ايش تفكيرهم
في اشياء كتيرة جدا .. بس كل اللي اقوله انو كل شيء في الكروان حلووو جدا 
وشكرا على الموضوع الظريف ..
|