[bonsho]

المشاركة الأصلية كتبت بواسطة Abeer Moustafa

السلام عليكم و رحمة الله و بركاته

لو سمحتوا أنا لسه شاريه عصفورين بقالهم حوالى شهر عندى
كان عندى من زمان عصافير بس كنت لسه صغيره ماكنتش بهتم بيهم ابدا بس كانوا جابو عصفورين صغيرين و بعدين باقى العصافير كانت بتكون ميته او البيض فاضى اصلا ..

أنا عايزه أعرف شوية أسئله ، بعد اما اعرف طبعا هل هما بادجى ؟
بادجى
فى عندى شوية أسئله مهمه محتاجه أعرفها جدا

- هل غلط لو أنا حطاهم عندى فى الصاله لانى مش راضيه أحطهم فى البلكونه لان فى ناموس كتير و بصراحه خايفه عليهم من الفيران بسبب تجربه سابقه مع العصافير اللى كانت عندى .
انا كمان حاطهم عندنا فى البيت جوا عادى بس بلاش الصاله علشان لو عايزة تنتجى مش كل شويه حد يدى عليهم حطيهم فى البيت عادى بس مثلا على طرابيزة فى اخر الصاله يعنى مكان مش كل اللى رايح واللى جاى يعدى عليهم
- قريت هنا انه ممكن اجيب لتر ميه و نص ليمونه و فص توم و اعملهم فى الخلاط ودا بيحميهم من امراض كتيره دا صحيح ؟

- حطيت لهم خيار و جرجير بس ماراحوش ناحيته أبدا ، ليه ؟
شكلهم لسا صغيرين اوى قطعى لهم الخيار قطع صغيرة بحيث يعرفوا ياكلوها وجربى كدا معاهم العيش المبلول بالميا علشان يكون سهل عليهم انهم ياكلوه وجذبى الجزر المبشور وممكن تبشرى الخيار بس ماتكتريش من الخضار لانه بيحيب اسهال مرة واحدة فى الاسبوع كفايه

- دلوقتى العصفور كان بيدخل الصندوق اللى المفروض بيكون فيه البيض بعد كيدا دخلت العصفوره كمان ، هل دا مؤشر لحاجه كويسه زى و ضع البيض ؟ ولا لسه بدرى ؟
اعتقد سنهم صغير
بس دا مؤشر كويس ودليل على انهم متوالفين

- ساعات و قت الاكل الاتنين بيتخانقوا بس بسيط يعنى و فى مواقف تانيه بس دا قليل جدا هما تقريبا بيكون دايما واقفين مع بعض او بياكلوا مع بعض ، دا عادى ؟
دا طبيعى كل الازواج وكل الطيور بيحصل بنهم منواشات خفيفة


- لقيت من كام يوم خنفساء صغيره جدا جدا بصراحه عجبنى شكلها كانت حمراء و فيها نقط سوداء دى مفيده للعصافير اصلى بصراحه مافيش حاجه اقرف منها واكرها فى حياتى اد الحشرات فاروحت موتها خوفت لا تاذيهم ولا هى المفروض نافعه ليهم ومش مفروض اموتها ولا دى حشره عاديه جت من برا البيت و راحت عليهم وكان المفروض اموتها فعلا هى بس كانت ماشيه على القفص .

لا اهتمى بنظافه القفص وماتخليش اى حشرات تيجى عندهم ودايما تحاولى تشيلى قشر الاكل بتاعهم لان دا هو اللى بيجيب الحشرات


- هل عضتهم مؤلمه و لو مؤلمه لاى درجه والمفروض يتعودوا عليا بعد اد ايه ؟ انا بنضفلهم القفص تقريبا كل يوم او اتنين و الميا والاكل بهتم بيه كل يوم .

هى الى حد ما مؤلمه بس سنهم هايبقى فى صالحك انهم يتعودوا عليكى
وكويس اوى انك انتى اللى بتفسرى لهم الميا والاكل وتنضفى لهم الاكل دى اهم حاجة علشان يتعودوا عليكى
واقعدى كلميهم علشان بتعودوا على صوتك بس بصوت هادى


و فى الاخر دى صور العصافير









و فى الاخر جزاكم الله كل خير و منتظره الرد

طيور جميله وربنا يبارك لكى فيهم واتمنى اكون افدتك
وبالتوفيق