[بشورة]

المشاركة الأصلية كتبت بواسطة *نسمة هواء*

مـــــــا شاء الله ! بششششورهــ

طيركـــ روعـــــــه ! حبيتو صراحه !

ظريف لابعد درجه .. وواضح انك متعلقه فيه جداً

ربي يخليلك اياهــ ويحفظو من كل شر وتجيبيلو عبقوره وتشوفي ولادهم هههههههه

لكن عندي سؤال .. شايفه اول صوره لعبقور كاين فيها فرخ ما شاء الله كم كان عمرك وقتها لحتى قدرتي تعتني

فيه ؟ لان الفروخ بدها عنايه .. وهل كان في اي صعوبه بالاعتناء بفرخ ؟

بسألك لانك جربتي ومريتي بالاشي ويمكن نستفيد من تجربتك ..

احترامي لك،،

شكرا نسمة هواء على ردك الجميل ^__^

لما كان فرخ كان عمري 17 سنة .. هو على فكرة لسا فرخ وعمره قرب يصير ست شهور ونص

الصعوبة كانت بأول مرة طعميتو فيها .. كنت اطعميه وأعيط ههههههههههه لحد اول يومين كنت كل ما اطعميه اضل اراقبو من بعيد لبعيد اتأكد انو كلشي فيه طبيعي .. وأوقات لو حسيت بغلط سواء اكله او حركته كنت ما انام الليل وأنا براقب فيه كان الوضع متعب

طريقتي كانت اني ما ادخل الانبوب وأطعميه بمعدته مباشرة .. كنت احطله الاكل بتمه وأخليه هو يبلع .. هو اشطر مني بالتفريق بين معدته وجهاز التنفس .. هههههههه لتحاشي الاخطاء كنت اخليه هو يبلع .. يمكن لو كان اصغر من اسبوعين لكان الوضع اصعب عليي لإنو وقتها ما بيكون يقدر يبلع .. بس الحمد لله مرت هديك الفترة على خير

هلأ انتي من فلسطين وعايشة بفلسطين وبتربي طيور؟؟ ما بعرف ولا بنت بتربي طيور عنا ههههههه

شكرا على سؤالك .. وشكرا لك على مرورك الجميل