[جورجي]

الله يعافيك اخوي
بالطبع اخي فرق شاسع بين طيور المحلات وطيور المربين
يرجع السبب ان المحلات ماتهتم بالطيور بدرجة كبيرة .. تلاقي عدد كبير من الطيور محشور بقفص حجمه مو مناسب للعدد .. وبرضو في التغذية .. اغلب الظن بالمحلات يعطوا الطيور فقط الحبوب
بعكس المربي .. يختار افضل الحبوب وينوع بالوجبات مثل البيض المسلوق والخضروات الورقية .. الخ
ولهذا اخي انت لاحظت الفرق بين طيورك الاولية والطيور الجديدة
بالنسبة للاجزاء اللي مافيها ريش .. يمكن يرجع السبب انهم كانوا من قبل بقفص مع طيور ثانية .. طيور الحب اذا يتهاوشوا ينتفوا ريش بعض ويعضوا بعض .. ويمكن تهاوشوا مع طيور ثانية وصار النتف
اهتم بالتغذية وبيرجع الريش ينمو من جديد
البيض المسلوق والتفاح مااكلوا منه لان ماكانوا متعودين عليه .. قدمه لهم عدة مرات لين يتعودوا ويأكلوا منه .. الخس والجرجير مفيد .. وعلق لهم عظم الحبار .. يحتاجوا كالسيوم لنمو الريش
اذا كانوا يرفضوا التروش .. استخدم البخاخ .. وتجنب الرش على الوجه او الاذن
وبعدها حط لهم وعاء استحمام عدة مرات بالاسبوع لين يتعودوا ويتروشوا بنفسهم
عادي اخوي .. اذا عندك اسئلة ثانية تفضل