السلام عليكم ورحمة الله وبركاته
اولا اخوي لازم ناخذ كم نقطه مهمه في تربية البادجي :
البادجي طائر غير اجتماعي يتزواج ويبيض ويفرخ في جماعات في البريه لاكن في الحبس تختلف النتائج فلو انك بتربي بالحوش حط لهم سلاكه ولاكن قد يحصل هجوم على الفرخ
انت موقعك بالرياض درجة الحرارة تصل 2 تحت الصفر يعني تجمد وبرد قارص لايضر البادجي بشكل عام لاني مجرب وصلت 5 تحت الصفر ولاكن تضر الفراخ وقد تسبب موتها احيانا
التيارات الهوائية الباردة في الشتاء والحارة في الصيف (تسبب موت الطيور)
العواصف الترابيه ولامطار والحشرات
ثانيا حلول هذه المشاكل :
حل المشكلة رقم (1) :
قم بعمل سلاكه تكفي لضعف عدد لازواج الي بتحطها يعني(سلاكه تكفي ل10 اجوز حط بها 5 اجواز فقط) وافصل بين كل زوج وزوج بشبك يعني حدد منطقة فيالسلاكه لكل جوز عشان مايتضاربو ويخربو على بعض
حل المشكلة رقم (2) :
قم بتغطية السلاكه من بغطاء مثل قماش الخيمه وحط لمبة جوا عشان توفر لهم ولو قليل من الدفء ماتكون مكشوفة تغطي حولها بشبك عشان ماتلمسها الطيور وتحترق
حل المشكلة رقم (3) :
الحل في الشتاء تغطية السلاكه وفي الصيف تغطيتها وتشغيل مروحه بس تكون على لارض ومو متحركه تحطها اتجاه الجدار عشان مايصفق الهوا حقها الطيور مباشرة
حل المشكلة رقم (4) :
لمشكلة المطر يكون فيه مظله فوق السلاكه اولا عشان الظل عشان ماتجيهم الشمس الحاره وثانيا المطر وبالنسبة للحشرات حط ارضية السلاكه تراب قابل للزراعة (مو سماد ) يكون تراب مخلوط بكيمة قليل من السماد وتزرع تحتهم اي شي بكيفك
وثانيا روثهم الله يكرمك سماد طبيعي
النتائج :
طيور بصحة وسليمة وانتاج رائع ومنظر رائع خصوصا لو زرعتها
وفي النهاية ارجو اكون افدتك
اخوكـ/ذكريات كوكتيل...