|
رد: اهما افصل للانتاج؟؟
وعليكم السلام ورحمة الله وبركاته
كل وحده لها إيجابيات ولها سلبيات
مثلاً عندك السلاكة فيها المساحة والطيور تأخود راحتها في الحركة
عشان كدا الطيور تكون أنشط ومرتاحة
بعكس طيور القفص حركتها مقيدة ودا ممكن يسويلها تشحييم وسمنة
السلاكة يصير فيها شجارات وإصابات وممكن خساير
كمان تخريب أعشاش بعض
ممكن غيرة وممكن وقت تزاوج يتكسر البيض أو يموتوا فروخ
يصير كمان لوفي مرض مايتلاحظ بسرعة زي القفص لكثرة الطيور
ناتج التزاوج يكون عشوائي لأن الطيور تختار بعضها
موزي القفص يكون بإختيار المربي
يعني مانقدر نقول دي أو دي أحسن
الإختيار يعتمد على المربي نفسو ورغبتو ووقتو كمان
زي مثلاً المربي اللي مهتم بالإنتاج والطفرات حيفضل القفص عن السلاكة
وفي مربي طالب أو يشتغل يكون ماعندو الوقت الكافي
عشان ينظف كل قفص ويحط أكل وموية يروح يختار السلاكة
إنته شوف إيش حاب وإيش تبغى وعلى أساسو حيسهل عليك الإختيار
وبالتوفيق يارب
__________________
سبحــان الله وبحمده سبحــان الله العظيم
شكراً " رونق حجازيه " على التصاميم الحلوة ♡♡
|