[بايثون]

ما أدري يمكن رأيي يختلف عن رأي الشباب ..

لكن هذا اللي أنا أسويه مع اللي عندي يوم كانو صغار واللي قبلهم واللي قبلهم ..

إلى عمر الثلاث أشهر .. أربع وجبات في اليوم .. الوجبات عبارة عن (رز طري جدا وتقدر تكثر فيه الماء .. وقطع لحم غنم أو دجاج صغيرة جدا جدا وقليلة .. يعني الرز يكون400 جرام واللحمة 100 جرام بالكثير .. طبعا ماهو شرط ياكل الوجبة كاملة في البداية .. نظرا لأنه مفطوم من حليب أمه بدري ..

ممكن تعطيه نوع آخر من الوجبات .. قطع خضروات صغيرة جدا .. مع خبز مقطع إلى قطع صغيرة جدا و50 إلى 70 جرام سمك فيليه مقطع إلى قطع صغيرة .. جدا وتتأكد وتحرص على خلو أي نوع من أنواع اللحوم (غنم دجاج سمك وغيره) من أي قطعة عظم .. لأنه يحوس المعدة ..

الإسهال بسببين .. الأول هو الحليب .. ابعد عن الحليب ومشتقاته نهائيا .. هي تضر كلبك بدل ما تنفعه .. وخذها نصيحه مني أنا مجرب .. وقف الحليب وشوف الإسهال كيف يوقف معك تدريجيا في ثلاث أيام .. طبعا الحليب ومشتقاته أيضا ممنوعه ..

الكلب ما ينفع له الا حليب أمه .. فقط لا غير ..

إذا تقدر ترجعه للرضاعه من أمه إلى عمر الثمان أسابيع (شهرين) يكون أفضل لصحته ..

من ناحية الاستفراغ أو الترجيع .. بعد الأكل مباشرة خذها إلى مكان قضاء الحاجة ولاعبها هناك .. استمر على هذا النظام وبتشوف أنها كلما رغبت بقضاء حاجتها .. بتروح لنفس المكان لكن يبغى لك صبر شوي .. وانت شجعها .. بحيث كل ما قضت حاجتها في نفس المكان مباشرة امسح على رأسها بحنان وامدحها وشجعها بكلامك وأسلوبك بالكلام يكون تشجيعي .. ولو تقدر اعطيها كاندي أو أي نوع من المكافأة بحيث تكون صغيره وما تتعب في مضعها .. مجرد طعم حلو يروح بسرعه تعبيرا عن الفرح ..

لا تلعبها بشدة وتخليها تتحرك واجد خصوصا أول نصف ساعه بعد الوجبة .. أو إلى أن تقضي حاجتها واللي المفروض ما يتعدى وقتها ساعه ونصف بعد الوجبة ..

احرص انك تعودها على العادات السليمة منذ البدء .. من عمر الثمان أسابيع ابدأ بالتمشي معها ..

وبالنسبة للصحه هذا مؤشر جيد .. لكن النشاط ماهو مقياس الصحه دوما ..

انت عليك الاهتمام بصحتها جيدا .. وما تروشها وتخليها تتعرف للهواء البارد .. المكان يكون بارد مو مشكله لكن الهواء اللي يتحرك هو المصيبة .. لما يكون على جسمها ماء ..

يعني بالعربي داريها كأنها طفل صغير .. تعلمه ان هنا حمام وهنا غرفة النوم وهنا تاكل وهنا تلعب وكذا .. ومع الأيام بتلاحظ انها عرفت كل هذا ..

بس احرص انك وقت النوم تحطها في المكان المخصص لنومها .. مو في أي مكان تنام ..

وحاظرين في أي وقت .. أتمنى ان شمولي يكون غطى كل شيء ودك تعرفه .. واذا غمض عليك شيء اسأل لا تستحي