[Snow]

صبحكم / مساكم
الله بالخير اخواني اعضاء تو زوو

..

مثل ما تعرفون
غالبا في كل بيت موجود فيه قطه فيه على الاقل "شخص واحد يكره وجودها"..

وانا بالنسبه لي هي..اختي..

اختي بالموت وافقت انو سنو تنام معانا بالغرفه..

على شرط..

وانو اذا بدت تتسلق السرير تطلع تنام في الصاله..

واهلي جابو لنا سراير مرتفعه عن الارض مو مثل باقي السراير..
وكلو علشان سنوو ما تتسلقه..

امس اكتشفت سنو..
تسلقت سرسري ونطت علي..

واختي قعدت تهاوش..تقول انها الحين رقت سريرك بترقا سريري
واختي صراحه مرررررره خوافه من القطط
واخاف يجيها شي من سنو
لان سنو مشاغبه بحركاتها..

المهم
واطلعها امس برى في الصاله معاها سريرها والرمل والاكل وكل شي
وادخل الغرفه واسكر الباب..

ما امداني اروح لسريري
الا اسمع صوتها تهاوش عند الباب"من حقها لان الغرفه لها هي بعد"..

واطلع معاها واجلس معاها شوي اهديها..يمكن خايفه..

قعدت تلعب على الكنبه
جيت انا بهدوء ورجعت غرفتي..

شوي الا ترجع تصييح عند الباب..

قالت لي اختي بعد ما رحمتها ورحمتني..قالت دخليها بس ياويلها تنط على السرسر...
وادخلها والحمد لله ما نطت امس ابدً



سالفتنا مو في هذا كله..

انا ابي اعلم سنو انها ما ترقا للسرير..

علماً باني احيانا اذا نامت احطها على سرسري..
<<هذا اول خطأ
واحيانا امسكها واشيلها والعب معاها على سريري
<<ثاني خطأ


طيب هل بكذا انا عودتها على السرير..

عطوني حلوول بأنها تطبطل ترقا

...

طيب انا بسألكم بنقطه..
هل قططكم تلعب برمل الحمام حقها
يوووه انا سنو كل ماجيتها لقيتها كابه الرمل وتلعب فيه..
علما باني اشيل كل شي تخرجه على طوول على السيفون..
انا حاطه حمامها في حمامي..
علشان ما تكب شي على ارض الغرفه..
واليوم يوم صحيت لقيت الرمل كله مكبوب بالحمام..وانا امس حاطه رمل جديد..
برضو وشلون اعلمها..

صرخت في وجهها
ضربتها على خفيف..

وش الحل..

ارجوكم..

والله يجزيكم الجنهـ..