[كاسكـــو]

ولا تزعل انا برد عليك

ابغى بلبول اربيه وما ادري آخذ واحد صغير ولا كبير ؟

تاخذ فرخ صغير يالغالي ودربه على كيفك وخصص له اسم لاتغيره اذا سمعه جاك
وحتى انت تطعمه عوده على اسمه وقت الاكل اجلس قدامه وهو جايع ناده باسمه يجيك يركض
بس اهم شي لاتغير الاسم اللي راح تختاره ومع مرور الوقت تحصله صاحبك الوفي مايتعداك ويطير فوق راسك وين ماتروح اذا كنت في البيت ويجلس على راسك كتفك على مزاجه هو
وبمجرد يسمع اسمه منك راح يجيك وهو يغرد ويوقف عليك ويفرفش بجناحه لك

واذا صغير يعني وش كبره ؟

يعني بعمر اسبوع وتطعمه بيدك قبل الفطام لأنها بعد شهر تنزل من العش وتطير
وطريقه الاطعام تشتري اكل بلابل اسمه مكعبات تذوبها بالمويه لحد ماتصبح زي العجينه اللينه
وتعطيها للفرخ بملعقه صغيره او ملقاط او بيدك تسوي زي شكل كور صغيره وتعطيها للفرخ
ثلاث مرات باليوم بس لازم يشبع والله يعينك الفروخ تقعد تصرخ اذا جاعت تحملهم

ومتى يبدأ تفريخهم ؟؟

يفرخون بالصيف

يعني متى اقدر آخذ لي واحد ؟؟

تقدر تاخذ واحد بالصيف الفرووخ تنزل السوق بالصيف وتكون منتشره وخصوصا الجمعه العصر