[علي بن عبدالله]

عليكم السلام ..

اختي كل اللي قلتيه طبيعي جداً .. من ناحية الخوف و الوساخه ..
مع الوقت راح تزول .. و اذا كبر حبتين راح تزول كل هالاعراض .. راح يعتاد عليك و ينظف نفسه ..
و الدره من اكثر الطيور نظافه و اهتمام بنفسها .. لكن حالياً تقدرين تنظفينها بمنديل مبلل بشويه مويه دافيه
و تمسحين ع الاماكل الوسخه .. بالاخص المنقار و حوالينه و ابتعدي عن الخشم .. ولا تخلين السيريلاك يتيبس
في وجهها لان راح تصعب ازالتها في هالحاله .. احيانا بتضظرين انك تقصين الجهه المتيبس فيها الاكل و هذا
شي غير صحي للطير .. و ضروري تخلينه في مكان دافئ بعد التنظيف .. و جو معتدل في الاوقات العاديه
ليما يقوى عوده .. و يبدأ في الاعتماد على نفسه .. و خلي مكانه نظيف عشان لا تسمحين للعفن و الحشرات
بالاقتراب منه .. يفضل استخدام القشبار ( نشارة الخشب ) كأرضيه له .. و تستبدلينها كل يومين او ثلاثة ايام
و في هالفتره حاول تكتفين باطعامه .. و خلي التربيه الين مايكتمل ريشه .. و انتبهي تحشريم حوصلته بالطعام
لان الفروخ شرهين في الاكل حتى لو نالوا كفايتهم بيطلبون المزيد .. و الله يوفقك في تربيته .. و السموحه ع الاطاله