[سكر]

ما شاء الله تبارك الله

طائرك جميل جداً,,, ربي يبارك لك فيه ويحفظه لك,,

بصراحة أنا أستغرب من كلامك,, اسمحلي بهاوشك

أولا ريشه ممتاز ولا يحتاج شي,,

وأرفع القبعة تحية لأخي عبود (بعد تصحيح الإملاء ) :

المشاركة الأصلية كتبت بواسطة عبود القبوط

الاخوه ما قصرو

بس نصيحه أخوي الريش لا تجيه

طيرك فرخ وبس يعدي السنه ريشه بيترتب لحاله

لا تغلط غلطة غيرك بعدين تتندم

ثانياً, ما يحتاج ترويض لأنه أصلاً أليف,, ويطلع على اليد ولا يجعر,,

ثالثاً, برازه الله يكرمك ويكرم القارئين,, ما يدل على خطورة إلا إذا تزامن من اعراض اخرى مثل الخمول الواضح, الغير طبيعي,,

وعندي ببغاء أمازوني, غالب برازه سائل وصحته أحسن من صحتي

لان نوعية أكله أغلبها خضار وفواكه,,

على العموم عندي لك نصيحة عنيفة,,,

لا تتدخل في شؤون ببغائك, واتركه في حاله,, وبإذن الله تشوف منه ما يخليك تنافس المحترفين,,

ركز على ((((الصبر)))),,

اصبر معاه وخليه يشوفك دائماً ويسمعك ويسمع الكل حوله,,

والله اني اكلمك كأني أنصح نفسي,, وكأن الببغاء لي,,,

ببغائك فرخ يا غالي,, فرصته في إجادة الكلام ممتازة جداً,,

لو تركز على المسح على الرأس والحركات,, بتواجه تقصير نسبي في النطق,,

لكن لو تركز على الكلام,, بتلقى ببغاء يتكلم بشكل ممتاز, ومع الوقت يصير أليف بشكل غير طبيعي,,


اعذرني على الإطالة,, لكني ارتحت لك وحبيت افضفض



تحياتي