[سمساار]

المشاركة الأصلية كتبت بواسطة beeshoo

بسم الله ..
و السلام عليكم ..

كيفك أخوي سمسار ؟
انا شفت تفاعل الاعضاء و نتايجهم و تحمست اني اشارك معكم ..

** بيانات الكاسكو:

1-عمر الكاسكو (لون العيون)؟فوق السنتين - لون العيون اصفر
2-الكاسكو أليف ولا لاء؟ ايوة الحمد الله
3-جناح الكاسكو كامل ولا مقصوص؟ مقصوص
4-عندك طولة بال على الكاسكو؟ ايوة ان شاء الله
5-انت اتخاف من الكاسكو يعضك؟ ايوة
6- حاط الكاسكو داخل قفص ولا على استاند؟ في القفص بس حاليا برا القفص "قاعد بالحوش"

و إذا تبي تعرف حالته زين و قصته تفضل ادخل موضوعي ..
http://www.2zoo.com/vb/showthread.php?t=113007

** المطلوب
1-اشيله على يدي
2-يصير يتكلم
3- يفهم الاوامر .. ::مثلا:: اقوله ادخل القفص يقوم يدخل ,, أو تعال يجيني..أوامر بسيطه يعني..
4- ايه و ابي مثلا اساله وش اسمك و يقولي اسمي سلفر


و اذا بغيت صور للطير انزل لك صوره ..

جزاك الله خير و كثر خيرك على هذا المجهود الله يرزقك الأجر ان شاء الله
و الله يرزقك الجنه ياااارب

حياك الله اخوي
كانت القصه مؤثره جدا
واتمنى تبعد ازعاج الاطفال عن الطير اولا وبعدها تبدأ بمراحل التدريب وهي كالآتي :-





حياك الله
اول شيئ تقليل الاكل لي نص الكميه اليوميه المعتاده
رفع القفص عن الارض بارتفاع يناسب طول جسم المدرب
اخراج الطير من القفص ووضعه فوق القفص ليتلقى مراحل التدريب
تأكيل الطير من اليد مباشرتا
بالبدايه ماراح يتقبل وبعدها بياخذ الاكل ولكن للاسف راح يرميه
طولة البال ضروريه في هذي المرحله والمعامله الطيبه مهمه ايضا
معاملة الطير وكأنه طفل صغير جدا مهمه
التكلم مع الطير اثناء التدريب ايضا مهمه
بعد كل هذي المعامله اكيد بخف منه الخوف وخف الجعير
ويبدأ ياكل من ايد المدرب
تكرار هذي المرحل ليتم التاكيد عليه انه ياكل من اليد

طريقة المسح على الطير

يتوجه المدرب بيده باتجاه الطير تدريجيا من تحت الى فوق ببطئ شديد الى ان يصل للرقبه والمسح عليها بحنيه الى ان يصل بالمسح لراس مع مراعات الكلام معه اثناء التمرين كي يخفف من روعة الطير اذا تمت المرحله بنجاح تقدم له اكراميه مثل (حبة عباد الشمس - حبة فول سوداني - قطعة من الفواكه - الخ الخ الخ )
تكرار التمرين ياكد حفظ الطير للحركه مهم

طريقة الصعود على اليد

يتوجه المدرب بيده الى الطير من تحت مستوى الطير الى ان يصل لبطن الطير تدريجيا وببطئ شديد مع مراعات التكلم معه
يقوم المدرب برفع الطير تدريجيا وببطئ شديد الى ان يصعد الطير برجله على يد المدرب مع مراعات التكلم معه والمسح عليه وارجاعه الى مكانه مره اخرى ودفع الاكراميه له
تكرار التمرين ياكد حفظ الطير للحركه مهم

وبعدها يقوم المدرب بتصعيد الطير على يده والابتعاد عن مكان القفص تدريجيا بمسافه كافيه كي لا يحاول الطير الرجوع الى مكانه مع مراعات التكلم معه والمسح عليه

يقوم المدرب بنقل الطير من يده اليمين الى يده اليسار مع التكرار مراعات التكلم معه والمسح عليه وبعد نجاح هذي المهمه يقوم المدرب بنقل الطير من يده الى يد شخص آخر متكرار ومراعات
التكلم معه والمسح عليه

وهكذا نكون قد انتهينى من مراحل التدريب الحركي ويتبقى تدريبه على الكلام
اتمنى لكم التوفيق والنجاح



في حال اي استفسار مستقبلا انا موجود و





انا دائما بالخدمه
__________________