وش نوعها ؟؟ - صوور+ قصة حياتها
السلام عليكم ..
تعرفت على بسة حليوة ايام الاختبارات
و دايم كانت تذاكر معاي بالحوش ..
و الصبح و انا اراجع في الحوش قبل الاختبار ..
نقعد نتقاسم الفطوور سواا 
و تحب حليب الشكولاته اكثر من الحليب العادي ..عندها ذووق
اممم و بس اكتشفت انها حامل اخر ايام الاختبارات مع اني ماعندي خبرة بالقطاوة
بس شكيت .. و صارت حركتها قليله و دايم تتبطح و احس بطنها كبير المهم ..
في اول اسبوع من الاجازة ولدت 2 واحد لقيته ورا الزرع صغير و بس يصارخ وواحد لقيته بين دولاب العدة اللي بالحوش و بين الزرع ..
و الام مدري كيف انحشرت و دخلت تحت الدولاب 
وبس المسكينة الام شكلها ميته تعب و دخلت تحت الدولا و لا خرجت .. و ادق ع الدولاب بشويش ابيها تطلع و تلم عيالها مافي فايده ..
المهم هم ولدو الفجر ...
و البسة اللي كانت ورا الزرع لونها اسود و البسة اللي كانت بين الدولاب و بداية الزرع لونها ابيض و بني
البسة البيضا على بني لقيتها تتحرك و تقوم و تطيح و تحزن و نفس الشي مع السودا اللي بعيده
جا قريب الظهر كذا و بدا الحر و البسة البيضا مالقيتها شكله امها اخذتها ..
اما البسة السودا امها ولا قربت منا و مسكينه توصخت و جا عليها ترااب و خفت عليها ..
اخذت مناديل و شلتها و حطيتها على صحن بلاستك كانت الام تشرب فيه حليب
المهم حطيتها بالصحن عشان كنت خايفه اشيل البسة غلط و اسبب لها ضرر و بس دخلت النونو عند امها ..
و اللحين خلص تقريبا شهر شفت عيالها امكن مرتين ..
اول مرة شفت الاثنين كبرو و صارو بتجولو و شوي الا اختفو امهم رجعت ضفتهم اعتقد
المرة الثانية ماشاء الله لقيت وحده ثالثة اول مرة اشوفها !!
اختي انهبلت عليها ..مرة حلوة و شعرها كثيف و اكثر وحدة حركية و تلعب و اعتقد انه ذكر ..
الخلاصة من الموضوع و القصة اللي فوق ::
ابي اعرف وش نوع القطوة ؟؟
و اللي جابتهم 2 شكلهم بلدي زي الشوارع وواحد اللي اقولكم حلو بس مدري هو حق شوارع بعد ولا لا ؟؟ المهم انه حليو ماشاء الله ..<< ماقدرت اصوره ..
الام في بداية ولادتها ماشفتها اسبوع امكن و بعدين ماصارت تاكل مني زي اول احسها تخاف و احيان تطلع صوت يخوف ..
و اللحين صارت تتعود علي و حبوبه عشان صرت اوديلها اكل بين فترة و فترة
ابي اكشف عليها و اطعمها و اهتم فيها .. و ابي محل تمام و سعره طيب بجدة له خبرة بالقطاوة
و هذي صورة الام
http://www.2zoo.org/get-8-2009-2zoo_org_sgq0lcp8.jpg
و يارب تساعدوني ..
طولت شوي .. بس عادي !
__________________
بسم الله الرحمن الرحيم
( الله لا اله الا هو الحي القيوم لا تاخذه سنة ولا نوم له مافي السموات و مافي الارض من ذا الذي يشفع عنده الا باذنه
يعلم مابين ايديهم و ماخلفهم ولايحيطون بشيء من علمه الا بما شاء وسع كرسيه السموات و الارض ولايؤوده حفظهما و هو العلي العظيم )
صدق الله العظيم
|