فرخ الدرة المطوقة <<<جاني هديه

[soso.KDN]

السلام عليكم ورحمة الله وبركاتة
من يومين جاني هديه فرخ ببغاء الدرة المطوقة اصلا انا ما كنت عارفة ايش اسمو
ومن اي نوع
المهم دخلت المنتدى العزيز و جلست عليه الى ان عرفت من اي نوع
المهم الفرخ تبعي على حسب الصور الي شوفتها انو عمرو 25 ...يعني في دا العمر
انا بصراحة ما ااعرف لتربية الطيور ولا مرا ربيت حيوان
يعني مني عارفه كيف اتفاهم معاه
هوا مرا حبوب واستناه يكبر باسرع وقت لانو لسه ريشو ما اكتمل
\انا كتبت الموضوع عشان تساعدوني وادخل دا العالم <<<عالم تربيه الطير
انا حبيت اني اطرح اسئله وانتو جابوني عليها معليش راح اتعبكم معايا
1- ما المكان المناسب لوضع الفرخ فيه ؟
2- نوع الاكل المناسب ؟
3-كيف اعرف انه شبع ؟
4- كم مرا يجب اطعامه ؟
5- هل يشرب ماء ؟
6- كم ساعة ينام ؟
7- اقدر اروشو <<<يعني احممو ؟ موع اجبني شكلو
8-هل يتعلم الكلام من هذا السن ؟
9- هل استطيع حملة دون أي مشاكل ؟ اذا كنت استطيع فما هي الطريقة المناسبه؟
10-هل يتعلم الطيران في هذا السن ؟
11-اقدر اطلعو على الشمس ؟
12-كيف اقوي منقارة؟
13-هل يستطيع الوقوف على اصبعي او يدي ؟
وبس
طولت كتير
كان عندي اسئله اكتر بس نسيتها في الوقت الحالي
هو الان مرا هادئ ما يطلع صوتوا الا ازا احد قرب منو وكلمو
ولحد الان ما اعرف ازا كان ذكر ولا انثى
اتمنى كلكم تجاوبوني بلي تعرفوه
وازا في معلمومات غير هادي اتمنى انكم تفيدوني
تحياتي
soso.KDN