ارنووبتنا جابت بيبياات بس ما تشربهم حليب شالحل !!

[×ميمي×]

السلام عليكم
ارنووبتنا جابت 10 اراانب حلووين صغااار
بس الام مب راضيه تعطيهم حليب شسوي ولا تقرب منهم
ومعورين قلبي
مسكنا الام وحطينا الصغار على حلماتها وشربوو شووي مافي حليب واجد يعني شربو بدون شبع
شنو ممكن اعطي الصغار ، وقريت ان حليب البقري مش زين لهم
شسوي شنو ممكن اعطيهم
ساعدووني بليز قبل ما يروحون من يدي الصغار
و8 منهم لونهم اسود و2 احمر شنو راح يكون لونهم يوم يكبرون؟
ولون الام بني مائل للرمادي

ادري طولت عليكم بالاسئله/ بس بليييييييز عطووني حل شنو اشرب الصغااار لان شكلهم ميتين جووع ياحرام

ودمتم في حفظ الرحمن

[%لوب ذهبي%]

اهلا اختي

بالنسبه لسؤالك عن الرضاعه فاتوقع لازم تسوي رضاعه اجباريه للصغار وهي كالاتي :-

اولا جيبي صندوق صغير جدا بحيث لايكفي الا ارنب واحد فقط اللي هي الام حطيها فيه وحطي الصغار تحتها قد تحدث حلات دعس للصغار لذلك حولي انك تكونب هائه معها جدا وتكلمي معا بصوت هادئ وايضا لاتكثري من مراقبتها بعينيك لانه يربكها اذا سمعتي صوت انين واطي جدا هذا يدل على ان الام قاعده ترضعهم

وايضا اطعمي الام من البصل لانه يقوي حاسة الشم لديها وقد تعود الى صغارها بنفسها

للتوضيح :- عندما تضعين الام مع صغارها في الصندوق اغلقي عليها جميع نوافذ الخروج

واي سؤال انا حاضر هنا او على الخاص

[×ميمي×]

تسلم اخوي لوب ذهبي
بس والله اني متكدره حدي ومتضاااايقه لان حطيت الام في قفص بروحها مع الصغار
بس الصغار في صوب والام في صوب
ماااعرف شسوي
ومافي حليب بديل انا اقدر اجيبه للصغار واشربهم يااه
حليب قليل الدسم مخفف بالماي
او حليب قطط

والحين بروح ااكل الام بصل بس تقصد البصل العادي اللي لونه وردي ماغيره ولا في نوع معين؟
ويعطيك العافيه ^^

[Need not to know]

صندوق صغير جدا بحيث لايكفي الا ارنب واحد فقط اللي هي الام

لم يقصد لوب ذهبي قفصا يجمعهم، بل صندوق صغير جدا يكفي لأرنب واحد، ولا تستطيع الأم أو الأطفال الإبتعاد.

[رعوود]

اختي ×ميمي×

المقصود صندوق صغير جدا بحيث تشطر الام لوجود الصغار بقربها

وايضا امساك الام ووضع الاطفال عالحلمات

اما عدم وجود كمية حليب كافيه

فممكن الام صغيره او تغذيتها مو كويسه

اذا عندك نثيات ثانيه غيرها ممكن ترجبي ترضعي الصغار منهم اجباريا فهذا يصلح بمرات عديدة

موفقه

[×ميمي×]

توووني جاايه من برع
جربنا نحط الصغار مع النثيات الثانيه نفس الشي
ماظن ان في حليب
نخاول نضغط ع الحلمات مافي حليب مافي شي يطلع
خلاص فقدت الامل انا
واتصلت بدكتور بيطري / وسألته شنو ممكن اعطي الصغار
قال لي حليب مراعي مخفف بماي
جربت اعطيهم الحليب مع الماي ما تقبلوه بعد
شسوي تكفون / اوديهم عند البيطري ؟؟
وفي مشكله جديده بعد
عندنا 5 ارانب 2 ذكور و3 اناث/ الحين مب عارفين مين منهم هي الام :S
شاكين بين 2
وكلهم عندهم حلمات بس بدون حليب
سوري طولت عليكم بس جد جد متضاااايقه

[Need not to know]

وايضا امساك الام ووضع الاطفال عالحلمات

حسب اللي قالو لوب ذهبي في موضوع تاني إنو دي الطريقة خطيرة على الأم وغير جيدة,, الطريقة الصحيحة للرضاعة الإجبارية هيا إنك تحطيهم مع بعض في صندوق يكفي أرنب واحد اللي هوا الأم وكل الكلام اللي كتبو لوب ذهبي فوق,,

[Need not to know]

بالنسبة لردك الأخير,, أنا ما عندي خبرة,, لكن لا تطولي تجارب أو تستني الأعضاء فترة طويلة حتى يساعدوكي,, لازم بسرعة إزا محد ردلك رد صح لحالتك دحين تروحي لبيطري موثوق,,

[%لوب ذهبي%]

اشكر كل من وضح كلامي للاخت
رعووود و need not to know شكرا لكم

اختي
انا اقصد بالصندوق ان يكون الصندوق صغير جدا جدا لايكفي الا ارنب واحد فقط وهي الام تقومين بوضعها في الصندوق ونظرا لصغر الصندوق لايمكنها التحرك الا للاعلى لذلك قومي بوضع يديكي في الاعلى لكي تمنعيها من الخروج (طبعا ضعي الصغار معها وهم سوف يرضعون بانفسهم )

اما عن البصل فانا اقصد البصل العادي نفس اللذي ذكرتيه
واي سؤال مستعجل لحاله طارئه ارجوا مراسلتي على الخاص لجميع الاعضاء بشرط يكون الموضوع عن الارنب

[%لوب ذهبي%]

لمعرفة الام

بتلاحظي ان الام منتفه فروها من تحت حتى لو اثر تنتيف بسيييط فهي الام وغالبا الام تكون حلماتها ممتلئه بالحليب بعد الولاده بيوم