مرض الخطير

[malgofa]

السلام عليكم ورحمة الله وبركاته،،،،


أحييكم على هذا المنتدى الرائع والذي قد يكون مرجع مهم لكل هاوي ومربي ومنتج للحيوانات (القطط)

في البدايه احب اعلمكم اني مربي و منتج قطط قديم في هذا المجال ........ قبل سنه و نص تقريبا اصاب القطط التي املكها مرض او فايروس خطير سميناه انا و الاطباء اللي حاولت انا وياهم ان نقضي على هذا المرض (الجرثومه المعويه).. هذا المرض لا يضر بالدرجه الاولى القطط الكبيره في السن يعني من ثمان شهور فما فوق ف اذا كانت القطه حامل بعد الانجاب يخرج الصغار و هم حاملين للفايروس اجسامهم و بنيتهم البدنيه ضعيفه يكون القط اثناء ذلك يرضع و ينهي فتره الارضاع و يفطم و يلعب و يجري ولكن حجمه صغير جدا و ضعيف جدا الى ان يبلغ من العمر شهران و نصف يصاب بحاله صرع قويه و صعوبه في الحركه ويأخذ هذا الامر اربع ساعات تقريبا الى ان يموت القط الى الآن مات عندي اربع و عشرين قط صغير خلال اقل من عشر شهور و انتاجي يذهب على الفاضي مع العلم ان انتاجي للقطط مستمر ارجوكم طلعوني من هالمصيبه اللي دمرت كل اللي بنيته حتى اني افكر اني اتخلى عن كل القطط و اوقف الانتاج لاني مالقيت حل للمشكله مع العلم اني حصلت دواء يقضي على المرض بس الفايروس صار يطور نفسه ضد الدواء الى ان صار الدواء ما منه فايده.......

وارجوا من اصحاب الخبرة والأطباء وافادتي عن هذا المرض واسبابه واعراضه وماهو علاجه؟؟؟؟
ولكم جزيل الشكر

[عسوله جدة]

الله يكون في عوووووونك اخوي

[cover_cat]

اولا تذكر اخوي قول (إنا لله وإنا اليه راجعون)
اكيد هذي مصيبه بالنسبه لك بصراحه شكل المرض يخوف لدرجه اني اشبهه بجنون البقر يعني ممكن تسميه(جنون القطط) هذا اذا ماله اسم
بس انا ابي اعرف اذا انت متاكد انه مافي قطه من قططك ممكن تكون اكلت دجاجه او صادتلها حمامه مصابه بانفلونزا الطيور او اي مرض انتقل لها من خلاله
صحيح انا خبرتي قليله بهذا الموضوع بس انصحك تفصل القطط السليمه عن القطط المريضه فورا لانه شكله مرض معدي واذا تقدر تقضي على كل القطاوة المصابه او تتركهم لين ما الله يقدرلهم بس اهم شي تحرص كيف تتخلص من جثث القطاوة بالحرق او الدفن بشكل سليم وبعيد عن اي مكان سكني حفاظا على الصحه العامه وجرب تدخل موقع البيطرة العربيه فيه اطباء بيطريين ممكن يفيدوك في الموضوع
والله يعينك على ما بلاك ولا تنسى الصبر مفتاح الفرج
يا رب تشفي قطاويه

[JORY]

لا حول ولا قوه الا بالله .. اخوي ود قطوتك العياده وشوف شنو العلاج اذا مالها علاج لا تخليها تحمل حرام .. راح يصيرون برقبتك اللي يموتون

بعد الذكر عنها و اشترله وحده ثانيه تنتج منها .. وهذي يا انك تخليها بدون ماتحمل .. يعني افصلها عن الذكر .. او انك تعطيها احد وتشرط عليه انها ماتحمل لانها مريضه وعيالها راح يطلعون مريضين

والله يعينك