بالنسبه للسيريلاك

[عايد]

عندي كاسيكو بغل (من ناحيه الحجم ) لكن عيوده سوود

ياكل من نفسه ماعنده مشاكل .. لكن واحد من الشباب نصحني وقال اكله سيريلاك واطحن له حبوب ذرّه معها حتى يكبر اكثر ..

انا عارف ان فيه سيريلاك خاص للطيور .. بس مالقيت .. فهل يضر لو عطيته نفس حق الأطفال ؟
وحق أي عمر استخدم ؟

وهل يضرّه حتى لو كان ياكل من نفسه خلاص ؟؟ مع العلم ان الببغاء مهب اليف بالحيل .. يعني مزاجي نوعاً ما

[نمط]

اذا عيونه سود يعني الطير صغير جداً ماتجاوز الـ 5 - 6 شهور
ومفترض يكون أليف جداً في هالعمر وعضته لا تخاف ما تألم أبد في هالعمر
وبما انه مو أليف فطعمه انت حتى يعتاد عليك ويتأقلم
وفي هالعمر يحتاج أكلات لينة مثل السيريلاك
انا استخدمت لطيوري : امازون-فيشر-بادجي , سيريلاك للاطفال "على قمح" وماشيين تمام
عمر امازوني ثمانية شهور وياكل حبوب بس للآن أعطيه بين فترة سيريلاك
مو لاجل انه يكون نشيط بس , بس لاجل يعتاد عالأكل مني ويكون قريب مني كثير
وطيرك في عمر خمسة شهور لازم يكون أليف
حتى لو كان ياكل اعطيه ما عندك مشكلة
واذا مزاجي داوي مزاجيته وارفع عنه الأكل
واعطيه فقط من يدك حتى تصير له الأم الحنون (فيس)