لاهل الخبره

[دلوعةقطوتي]

مرحبا
ماراح اطول عليكم بالمختصر انا عندي قطاووه في حديقه البيت بس اعطيهم اكل ومايدخلون داخل البيت واليوم وفيهم كيتز المهم اليوووم سمعت صراخ احد الكيتز ولقيته متشنج ويصرخ والله ماقدرت اسوي له شي الا اني ادعي ربي وبنقط في فمه مويه عمره تقريبا شهرين وامه وخالاته شريرات مو راضين يرضعونه وهو بس متشنج والله دمعت عيوني اخاف يموت وجاء اخوي واخذه للدكتور وعطاه ابرتين ومضاد بيتاموكس ومرهم لعيونه اسمه شان اي وقال عنده انخفاض بالحراره وفايروس واحتمال مايعيش وبعد مااخذ الابره هدا شوي ونام وقبل شوي صحى وحاول يرضع من امه وضربته واخذت انا زبادي واكل الحمد لله شوي بس انا خايفه يموووت ادعوانه يعيش واذا تقدرون تفيدوني بشي لا تتركوني افكر لحالي

[طلال سعود]

الله يشفيه يارب ويحرسه

حاولي تجيبين رضاعه وتعطينه حليب وابعديه عن امه وخالاته دامهم كذا

وبعدين يمكن مايرضعونه عشان الفطام؟؟

الله يعينك موقف صعب

[دلوعةقطوتي]

اكلتها زبادي وهم بيضربونها لانهم يغارون من اني العب عليها حتى الملعقه اللي اكلها فيها زبادي جايين ياكلون منها وانا معطيتهم على جنب زبادي بس هم كذا وهي تروح لامها ماقدر احرمها تخاف ادعي انها تعيش يارب ان شاءالله وتوني شايفتها ان شاءالله بدت تتحسن الله يحميها وشكرا عالرد

[الخبيرة ناديا]

المفروض يعطيها محلول بالوريد حتى تقاوم انخفاض الحراره

البيتاموكس ممتاز وكمان الابر ممتازه بحالتها .

والفايروس اللي قال عليه البيطري : ايش نوعه:

اتوقع الهربس ..اذا كانت عيونه تخرج افرازات صفراء وعيونه ملتهبه

لازم تستمرين على ابر المضاد لان مفعولها اقوي واحسن.

ودخليه عندك في البيت هو خلاص كبير..في عمر شهرين ياكل الاكل العادي

وامه تفطمه في هاذي الفتره.

دخليه عندك بس لايختلط بقططك الاخرى لان الفايروس معدي .

واكليه واعطيه البيتاموكس وان شاء الله يتحسن

طمنيني عنه

[دلوعةقطوتي]

اهلين الخبيره ناديا
والله موعارفه نوع الفايروس ايش لانه اللي وداه للدكتور اخوي بس الحين بحسه احسن ان شاءالله
الدكتور قال احتمال انه مايعيش بس انا املي بالله كبير وادعي انه يشفى بس الحين القطوه مو راضيه تاكل شي يادوب اكلت شوي زبادي ولارضت تاكل ولاتشرب حليب وقال خلوها في مكان دافي وانا ماقدر ادخلها جوا البيت خليتها في زي الغرفه بس مكشوفه طيب تعرفين شي عن الانخفاض في الحراره ومضاعفاته اذا تعرفين فيديني لو سمحتي

[الخبيرة ناديا]

الانخفاض انا كتبت موضوع كامل عنه وراح انزله خصيصا لكي هنا:

انخفاض حراره جسم القط اعراضه واسبابه

القط غالبا مايعاني من ارتفاع في درجه حرارته في حاله اصابته بنزله برد او فيروس او
اي مرض معدي..فان الجسم بطبيعته يرفع من درجه حرارته .فهنا نعرف ان القط
مريض ومحتاج الى رعايه وعلاج.
اما انخفاض درجه حراره جسم القط ونزوله الى الحد الغير طبيعي هو امر خطر ويجب معالجته باسرع وقت.
وهو يشبه الى حد كبير في البشر والتعرض للانخفاض لفترات طويله سوف يؤدي الى وفاه القط .
ويكون نتيجه انخفاض درجه حراره جسم القط لسوء التغذيه او دخوله في مرحله الصدمه
او بروده الجو الشديده او بعد فتره طويله من جرعات التخدير.


اعـــــــــــــــــــــــــــــراض انخفاض درجه حراره جسم القط:الاعراض تختلف باختلاف شدته على القط:
1- سبات ( نوم عميق ومتكرر)
2- ارتعاش جسم القط
3- الكسل وعدم الرغبه في الحركه
4- بطء في التنفس.
5- تصلب في العضلات
6- انخفاض ضغط الدم عند القط
7- انهيار القط وعدم استجابته
8- الغيبوبه


اســـــــــــــــــباب حدوث الانخفاض عند القطط:1- التعرض لجو بارد جدا وخصوصا اذا كان القط مبلل ورطب
2- سوء التغذيه الشديد
3- التخدير
4- دخوله بمرحله الصدمه
5- تسمم الدم
6- اجراء العمليات الطويله مع زياده جرعات التخدير

بالاضافه الى ذلك فان القطط الصغيره وحديثه الولاده معرضه لفقدان حراره الجسم السريع.




تشخيص الحاله:
تكون انخفاض درجه حراره جسم القط بمقياس اقل من 97 درجه فهرنهايت .
ودرجه حراره جسم القطه الطبيعي هو 101.3 درجه فهرنهايت.
واذا كنت تشك ان القط يعاني من انخفاض حراره الجسم يجب تدفئته في الحال
واخذه الى البيطري فورا للحصول على مساعده الطبيه .

وسوف يعمل له تحليل بول وفحص للدم وهذه الاختبارات سوف تكشف عن انخفاض
السكر في الدم وهو الدليل القاطع على وجود انخفاض شديد بدرجه حراره القط.
وايضا قياس درجه حراره القط من فتحه الشرج حتى يتم الحصول على الدرجه الصحيحه
انما لو تم قياسها عن طريق الاذن لن تكون قراءه الميزان مفيده وغالبا تكون خاطئه.
وقياس ضغط دم القط لمعرفه اذا كان منخفض لديه الضغط سيكون عنده انخفاض
في درجه حراره جسمه.
العـــــــــــــــــــــــــــــلاج:

لف القط ببطانيه او معطف واذا كان القط مبلل فيجب تجفيفه وفرك جسمه بمنشفه
وهذه الحركه تساعده في رفع درجه حرارة القط.
علاج القط بمضاد حيوي مثل مضاد البتاموكس.واذا كان انخفاض درجه حراره
جسم القط هو سوء التغذيه فانه يتم اعطائه فيتامينات مقويه .
واعطائه محاليل عن طريق الوريد حتى نتجنب دخول القط لمرحله الصدمه.




العلاج في المنزل:
بسبب انخفاض حراره جسم القط يمكن ان يؤدي الى انخفاض مستويات السكر
في الدم فيجب اعطاء القط بعض العسل الممزوج بالماء.
او اعطاءه محلول الجلوكوز او اضافه اربع ملاعق من السكر في نصف لتر من الماء
واعطاء القط منه سوف يساعد على استقرار مستوى السكر في الدم.

ان شاء الله تستفيدين منه في طريقه العلاج

[دلوعةقطوتي]

الله يجزاك الف خيررررررررررر ويعطيك لحد مايرضيك ماقصرررتي معاي والله مو عارفه كيف اشكرك

[مربية القطط الماهرة]

هو الحين كيف؟

[دلوعةقطوتي]

الحين ان شاءالله احسن بس رافضه تاكل صارت بنت بس مو قادره اخليها تاكل شي

[طلال سعود]

المشاركة الأصلية كتبت بواسطة دلوعةقطوتي

الحين ان شاءالله احسن بس رافضه تاكل صارت بنت بس مو قادره اخليها تاكل شي

طيب وديها للمستشفي اللي قالت عليه الخبيره ناديا

تري انا رحت له فيه قسم تنويم اكيد لو خليتي قطوتك هناك كم يوم بترتاحين

لان صراحه هذا وقت التنويم

الله يشفيها يارب

طمنينا عنها