حـكـآيـتـي مـع طـيـري كـيـوي(فرخ الروز)+صور

[FrEe LeGeNd]

السلام عليكم




كيفكم يا اعضاء ؟

ان شاء الله بخير


اليوم رح احكي لكم قصتي مع فرخ الروز (كيوي kiwi)

يا شباب & بنات اذكروو ربكم

ما شاء الله لااله الا الله1
2
3
اكشن


انا شخص محب للببغاوات بجنوون

وكما سمعت من المربين

ان تربيه الفرخ واطعامه باليد افضل

من اقتناء ببغاء ثم ترويضه

تحمست لهاذي التجربه

__

صرت ادور والف ادور لي فرخ لاي طير

لقيت فرخ للكاسكو

قالو لي ان الفروخ الي تطعم باليد مناعته ضعيفه جدا ونسبه الحياه عندهم قليله جدا

خفت وكان سعر الفرخ الكاسكو بـ 1200 قلت حرام ادفع 1200 واتهور ثم يموت

شلت هالفكره من بالي

ثم بعد قراءه للمواضيع تشوقت لتربيه فرخ واطعامه باليد

قلت بدال ما اشتري فرخ غالي السعر

اشتري فرخ لطير صغير وادفع مبلغ صغير واجرب

مات قدر الله وما شاء فعل ما مات تمام

المهم اني اجرب

بديت ابحث والف لف بكل مكان كل الاجابات لا لا لا لا لايوجد

واذا حصلت بمدينه خارج مدينتي

جاء ذالك اليوم
وتفاجئت باحد الاعضاء جزاه الله خير مرسل لي رساله انو عنده فرخ لطير الروز...

فرحت كثيرا واتفقت معه

وجمعت معلومات كثيييييير عنه من هذا القسم الرائع

واخذت خلفيه كبيره في اطعام الفروخ والغذاء من بعض الاعضاء جزاهم الله الف خير

واشتريت الطير

الطير اول ما اخذته كان عمره 22 يوم

فرخ ضعيف جدا ما يقدر يدافع عن نفسه جسمه هزيل جدا

رحمته وتعلقت فيه



حطيته في كرتون صغير مع نشاره خشب

وكنت خايف عليه جدا جدا جدا من التيارات

لما اشغل التكيف الفه بالفوطه

وكنت خايف جدا من كلام الناس ترى الفرخ يبي له عنايه خاصه عشان ما يموت
وتراه ما يعيش
عشان المناعه...

قبل لا انام اطل عليه
قبل ما اروح اطل
لما ارجع اطل
كله خوف عليه من الموت
وخوف من كلام الناس

صار اول ما ارجع من المدرسه مجرد ما يشوفني يجلس يصفر يصفر صار يعرفني صراحه انبسطت شعور رائع

صرت اهتم فيه اهتمام كبير

واعطيه 3 وجبات باليوم

سرلاك نكهة القمح+التمر

2 ظهرا
9 مساء
5 فجرا

صار عمر طيري 24 يوم وصار شقي

وبعض الاحيان اطلعه وخليه بجمبي يقرب مني ويححك نفسه يدور الدفاء ثم يناام

صراحه شعور رائع وكل مربي طيور يتمنى يحس فيه ان طيرك يتعلق فيك تعلق بجنون

بعدين
ارجع من المدرسه ما احصله في الكرتون
صار منقاره قوي ويعرف يتسلق من الكرتون

ويهرب

خفت عليه قلت لازم اشوف له شئ يحفظه عشان ما يهرب

اشتريت قفص+عش وفرشت ارض القفص بالـ نشاره ووالعش حطيت فيه نشاره

صار حفظ عليه من البرد+الهروب

صرت اول ما اعطيه الوجبه ارجعه العش
صار عمره 26 يوم وعرف كيف يطلع من العش ويدخل

صرت اطلعه يتمشى يلف العبه
صار عمر الطير 28 يوم...



اول كان مثل كومه غبار الي نطلعه من المكنسه مع شوي من الريش الاخضر
اللحين اكتمل عنده ريش الجناح وريش الراس ومع بعض المناطق بالجسم صغيره

مع اتضاح ريش الخدين باللون الاحمر

كل يوم اكتشف شئ حلو بالطير صار اللحين يحاول يقشر الحبوب

لاكن ما يقدر كنت اتضايق ما اعرف كيف اعلمه انو يقشرها

بس من نصايح بعض الاعضاء وقراءه للمواقع الاجنبيه+افلام لمربيه طيور الروز

عرفت

ريش الذيل كل يوم يكون احلى من الامس الى يومه الـ 29



طلع شكل ذيله رووعه

واكتمل لون الخدين بالاحمر

كل يوم يكبر الطير ويحلى شكله

صار عمره 34 يوم

واول محاوله طيرااان صار يرفرف بجناحه كثير بالقفص وبرى القفص

من المربيه الامريكيه عرفت انو الطير يبي يطير



الطير صار لعوب وصرت احب اللعب معه والعب فيه

ههههههه


وابهذله واقلبه





اممم اللحين اترككم مع صوره الاب+الام لطيري المفضل كيوي



ما شاء الله الوانهم حلوووه

صار عمر الطير 38 يوم وتفاجئت

حطيت الطير باعلى القفص واعطيته ضهري بروح اجيب اكله

سمعت صوت رفرفه اجنحه مثل عادته لاكن هاذي المره

طاااااار ووقف على كتفي


شعور جدا رائع انبسطت لدرجه ما تتوقعونها

صار عمره ى39 يوم

انا كنت حاط له صحن للاكل وحاط فيه حبوب جيت اشوف الصحن شفت قشور

انبسطت اعطيته حبه قشرها قدامي

قلت لازم ادلع طيري اكثر واكثر

قررت اشتري قفص فخم+اللعاب له

وشريت القفص ذهبي شكل رزه حلووو مره قاعده شفافه&سلم فيه مبرد&كالسيوم يعني للعب+الغذاء+جمال اضافره ومنقاره بنفس الوقت سبشل هههه
وجهزت القفص اترككم مع الصور

[الآسطورهـ]

ياسلام عليك ..

يكبر وتشوف فروخه ان شاء الله ..

وبجد تربية الفروخ وهي تنغر .. شي ممتع جدا

خاصه الطيور الصغيره [الروز , الفيشر , الكروان ...إلخ] ..

الله يخليه ويحفظه ..

.:: اخوك عبدالله ::.

[FrEe LeGeNd]

تابع

ما شاء الله لا اله الا الله


واليوم طيري صار عمره 40 يوووم

واكتمل ريشه+اعتمد على نفسه في الاكل لاكن باقي اوكله وجبات سرلاك متأخره عشان افطمه

وصار لعوب جدا وان شاء الله انو يبقى كذا البرد دخل علينا والله يستر من القادم

وهذا فديو له وانا اللعبه


ما شاء الله لا اله الا الله

[احلى ارنوبه]

ماشاء الله تحفه
انا استمتعت بسردك
ياررب تشوفه يكبر وتشوف فروخه بعد
ربي يحفظه لك
وتسلم عالموضوع الممتع

[عاشق الطيور a t]

ماشالله تبرك الله باين علييييييييييييييييييييييك محترف ربي يبارك لك فييييييييه قول امين

[toxikogamer]

الله اكبر !!!!!!!!!!!!!!!!

ما شاء الله طيرك في قمة الروعة الله يخليه لك ...

[FrEe LeGeNd]

شاكر مروركم اخواني
منورين والله
انتو الي شجعتوني انزل هالموضوع

وشكر خاص لخوي الاسطوره+ابو محمد+بندوله حب + ابو فارس+زياد

وباقي الاعضاء جزاهم الله الف خير

[المزروع]

مره كيووووووت

وانا بصراحه من زمان ودي اشتري فرخ كروان بس فرخ صغير
بالرياض وللحين مالقيت

تقبل مروري والله يحفظه لك

[FrEe LeGeNd]

هلا والله اخوي منور والله


ان شاء الله تلقى الي يصلح لك

بخصوص فرخ الكروان صغير سرلاك

راسلني على البريد

عشان افيدك

[بندولة حب]

بجد شعور رائع لأني اشتريت مثل طيرك بس لسا صغنون وانواع الهبال انا وهو

الله يخليلك طيرك ويخلي طيري لي مع انه مات واحد وبقى واحد بس الحمدلله


والله شعور رائع وشكرا لك عللى انك شجعتني

قولو ماشاء الله