ناوي اشتري فرخ كــروان ومحتاج نصائـحكم

[أسير الأحزان 7]

السلام عليكم ورحمة الله وبركاته
أنا ناوي بإذن الله اشتري فرخ كروان ومحتاج نصايحكم من تغذية واهتمام وتدريب يعني ابي منكم تعلموني شنو وشــلون ادرب هذا الفرخ ، وأنا ناوي احطه ( أضعه ) في كرتون صغير واغطي عليه لاني بــحطه في غرفة فيها تكييف وخايف عليه من الضرر فــ شنو رايكم بهذا الشي ؟ وبسس وآسف طولت عليكم ههه

[omar sali]

بالنسبة لموضوع الكرتونة عادي
بالنسبة لطعام التدريب فهو السيريلاك وتحتاج سرنجة لاطعام الطائر
بالنسبة للنوع اللي تبدا بيه ابيض او رمادي او اي لون في الكوكتيل كل الوان الكوكتيل حلوة

وارجو تقبل مروري وان شاءالله الاعضاء الاكثر خبرة مني فيدوك..

وشكرا.

[bonsho]

فى مواضيع فى القسم عن تربيه الفروخ
بص لو مش عندك خبرة فى التأكيل بالسرنجه هات واحد عنده سهر او شهر ونص بحيث يكون معتمد على نفسه الى حد ما وانت تأكله بأيدك مش لازم بالسرنجه وفى سريلاك للطيور لكن سريلاك الاطفال مضر بيهم جدا
وممكن انت تعمل وصفات بنفسك

[عالم الغاب]

اخوي المواضيع المثبته تجيب عن اسالتك كلها

[FLAMINGO]

اذا قصدك تغطيه بقماش خل عنده مجال يتنفس يعني مو تغطيه كامل

[عاشق الكوكتيييل]

آخـي آلـكريـم

رآجــع آلمـ ـوآضيـع آلمثبتــة وبتلقـ ـى فيهـ ـآآ مـوآضيـع حلـووة ومفيـدة عـن تـربيـة آلفـروخ

لك
أجمل تحية

[أسير الأحزان 7]

شكرا لكم ع الردود

[أسير الأحزان 7]

المشاركة الأصلية كتبت بواسطة bonsho

فى مواضيع فى القسم عن تربيه الفروخ
بص لو مش عندك خبرة فى التأكيل بالسرنجه هات واحد عنده سهر او شهر ونص بحيث يكون معتمد على نفسه الى حد ما وانت تأكله بأيدك مش لازم بالسرنجه وفى سريلاك للطيور لكن سريلاك الاطفال مضر بيهم جدا
وممكن انت تعمل وصفات بنفسك

طيب اللي بـعمر شهر مايكون شرير ههههه اقصد يعني يكون أليف ولا لأ

[мόjяd έ7śąs]

عليكم السلام ورحمه الله وبركاته

حيآك الله اسير الاحزآن
نصيحه اشتريه وهو شوي كبير يعني مثل ماقالت بونشو عمر شهر وشوي
لانك راح تتبهذل معاه في اكله

وبالعكس الكروان ماهو شرير بعمر شهر وشوي تقدر تشكله على كيفك انا اول ماجبت كروانتي كانت تعض لكن عضتها لاتذكر ماتعور ابدا وخلال اسبوع صآرت مررره حبوبه

بالنسبه للكرتون ماانصحك
حطه بقفص افضل وانظف وفيه اغطيه مخصصه للاقفآص تغطيه من جميع الجهآت
تحميه من البرد وتترك جهه وحده مفتوحه

وحبيت بس احذرك ترا المكيف مررره مو كويس للكروان على طول يتعب منه
انا تبهذلت جاها عطس وزكام وبهذلتني وماعاد تاكل لاني اول ماشريتها حطيتها في غرفه فيهآ تكييف
مع ان المكيف كان مو بآرد مرره بس الان والله اسكر عليها في غرفه بدون مكيف توووبه احطهآ عند مكيف .

حبيت اقول لك بعض المعلومات البيسطه وان شاء الله تفيدك ..