أدخلو يا مربين الحمام .. طريقة ذهبية للتربية الجماعية ..

[kingofbirds]

السلام عليكم .. طبعاً تعرفون اني قررت ترك الحمام .. لكن الحين قلت ما بتركه ..لاني اكتشفت طريقة ذهبية للتربية الجماعية .. وهذا ما دفعني الى عدم تركها وهو اني استطعت جمع ذكرين وانثتين في قفص صغير ومتوسط لاني خايف على المحاكر الجديدة لاني ماخدها للزيبرا والبادجي .. تدرون شلون ؟؟ الحين اعلمكم ..

أولاً نضع الطيور جميعاً ..

ثانياً نحط بالنا على الذكور .. صحيح بتتهاوش .. بس يبدون عراك يقوم المربي بازالة احد الذكور عن الآخر برميه آخر القفص .. طبعاً مو من اول مرة بتنجح ... على الاقل 7 مرات يبي لها .. لكن انت من المرة الثالثة .. اذا صارو ثلاث مرات يهاوشون وانت تفصلهم وما نفع تقوم تراقب .. كلما يبغون يروحون للعراك تقوم تتدخل وتمنعهم انهم يوصلون لبعض .. طبعاً يستمر المربي بهذه الطريقة الى ان يشوفهم يهدئون ..

ثالثاً :- اذا استمرت العملية قم بدفع الذكر يعني اضربه على خفيف .. وكرر اول خطوتين اذا ما نفع ..

رابعا ًتروح من بعيد .. تراقب .. واذا صار عراك اعمل نفس اول خطوتين .. وكررهم واكيد بينجح .. وروح من بعيد وراقب .. واذا ما نجح بعد سو الخطوتين الاوليتين .. وكرر .. وبعدها شرط لو تحطهم يم بعض ما يسوون شيء .. انا مجرب ومثل ما قلت لكم هذا اول سبب خلاني افكر في تركهم وهو ان مااقدر اجمعهم لاني متغربل فيهم .. جربو .. بس عاد مو قفص متوسط ينحط فيه ذكور واجد وبعدها تقول ما يصير .. العملية هذي تستعمل في المحاكر اذا لاحظنا عراك شديد بين ذكرين .. وطبعاً الاعشاش خطر تصير يم بعض .. اوكي ... يلى انا رجعت .. حتى الحمام الا طيرتهم رجعتهم القفص .. انا وياكم وياكم ماني رايح .. اتمنى ان الموضوع عجبكم ولا تنسون تجربونها .. مع العلم ان هذي الطريقة حتى مع الفراخ

[هاوي درجة اولى]

بس اخوي ابهالطريقة اشغالنا راح تتعطل وماراح انشوف اهلنا ولا ربعنا
يعني لازم نقعد مقابلين هالمحكر ونشوف , ونخلي شغلنا كله

وبعدين وش يضمنك انهم ماراح يتهاوشون مرة ثانية؟؟؟
انت الحين تقول من المرة الرابعة

انا اقول لك ارجع لهم بكرة ولا بعد بكرة ان شا الله وراح اتشوف واحد منهم بدون ريش من كثر الضرب اللي جاه من الذكر الثاني

[kingofbirds]

الموضوع حده ربع ساعة اذا طول نصف ساعة .. وانا اضمن لك .. وضلو 3 ساعات بدون ما يتهاوشون .. انا مجرب

[kingofbirds]

وحتى اذا قربتهم من بعض ما يسوون شيء يعني لو تخليهم يم بعض بتشوف

[قطرررررررررررري]

مادري بصراحه عن نفسي مو مقتنع بالطريقه نهائيا

الواحد اذا يبغي يربي حمام

في امور لازم يتبعها

مساحة القفص مع عدد الحمام اللي فيه

الحمام ماتهاوش بهذي الطريقه الا لان المكان غير مناسب ومايتسع لذكرين

انت اذا تربي في جمعي وعندك خمس اجواز مراح تحط لهم خمس اعشاش

لازم تحط ثمانيه ولا 10 اعشاش علشان ماتصير المشاكل

لازم المكان يتسع لعدد اجواز اكثر من الاجواز الفعليه اللي فيه

القفص اللي عندي احط فيه 20 جوز خلاص انا اخلي فيه 12 ولا 15 جوز بس

وقت التزاوج لذكور وخاصه الذكر الحار يتشاجر مع لذكاره بعدها وقت الحضانه كل ماقرب الذكر من ن

نثة الذكر الثاني بعد تصير مشاكل ونفس الشي وقت لفروح

وبكره اول مايطلع الفرخ من تحت الحضان وقبل لايكمل الشهر يبتدي يتحرك

بيقرب من الذكر الثاني بيضربه

تربيت الحمام تختلف عن الزيبرى وعن الفشر

الفشر والزيبرى لو تحطهم في قفص صغير وحطيت كم جوز عادي ماتصير مشاكل

لكن الحمام يحتاج لمكان

وابسط مثال

المحكر العادي يتحمل جوز واحد بس

لو في يوم فرخ وكان عنده فرخين وكبرو والذكر كان حار شوفه شبيسوي في لفروخ

فشلون انت حاط جوزين وقاعد تفرق بينهم كل ماتهاوشو

الطريقه مو مقتنع منها نهائيا

وحتى لو انت تقول جربتها انا اقولك لا تقتنع فيها

الا بعد فتره طويله لي باض الجوزين وفرخوا وكبروا لفروخ وبتدوا يجهزون للعش الثاني بعدها

احكم على طريقة للعلم انا اتوقع انها صعبه وماتنفع لان تربية الحمام تحتاج

للقفاصه والمحاكر والمعازل بشكل انك تترس بيتك منهم والسبه الحمام




الكلام اللي قلته مجرد رائي شخصي من خلال خبرتي البسيطه فالحمام

[kingofbirds]

شنو اقول لك يا قطرررررررررررررري .. لكن القفص مناسب .. انما الذكور تتشاجر مثل اي ذكور ..

[هاوي درجة اولى]

اخوي في مشكلة ثانية انا ذكرتها غير عن الكلام اللي ذكره اخونا قطري (وهو طبعا محترف اكثر مني ) , وهي الوقت , وين الواحد يقعد مقابل القفص ويراقب؟؟
احسن طريقة مثل ماذكر قطرررري ان الواحد يوفر لهم اماكن مناسبة وخلاص

[الفارس الخيال]

اخوي انا ما عندي وقت عشان اجلس اطالع الحمام لأكثر من ساعه و افصل من بينهم بس مشكور على الفكره

[هدهد]

مشكور على المعلومات الحلوة

[kingofbirds]

يااخوان الطريقة نجحت والدليل اني عندما اقرب الذكور الى بعض لا تتشاجر ... الموضوع ما يحتاج وقت كثيرة اقل من ربع ساعة يكفي .. ربع ساعة ما تقدر تقعد عند طيورك ؟؟؟شكراً