قصة حياتي

[روح المغيب]

اشتريت جهاز كمبيوتر

اي اشتريت ليش مستغربين


بس بعد عذاب ورحله طويله

كي اجمع قيمته

وكي اقنع امي اني والله لن استخدمه الى في شي زين

وبعد فهمتها اني تعبت من الصمت وزهقت من الفشل بتسلا فيه شوي


وجبته

ماعرفت افتحه


لا عرفت بس ماكنت اعرف ادخل النت


دخلت


واول شي سويته

فتحت الجرايد


وقريت وقريت


بعدين


عرفت قوقل

لاتضحكون عرفته

وكتبت اسمي


ولقيت اسمي موجود في جريدة الرياض

يوم نجاحي من الثنوي

والله فشله


فلانه فلان الفلاني

مدرسة ....الثانويه

ناجحه التقدير جيد

اشوا كنت احس انه مقبول

يالله الحمد لله


بعد لقيت اسم يشبه اسمي

لكن مشالله

درجة الماجستير

بعد انا عندي ماجستير بالفشل

لكن

والله ماذكر يوم ضريت احد

فكرت يوم من الايام اني راح اكون بنت مثل كل البنات

احلم انجح واتزوج واجيب اطفال

واسعد زوجي


زوجي


طيب

اسمعو

عادي بعد اضحكو خلف الشاشات


احسن من الي يضحك في وجهي

انا رحت عن صلب الموضوع

وبعد كتبت في المنتيات

وحاولت اعيش مشاكل الناس

بشوف احد مثلي او فيه ناس خلف اسوار الزمن يتعذبون نفسي

لقيت ان فيه ناس ماكدرتها الحياه ابد

وفيه ناس ماشافو للحياه طعم

وحياتهم اصعب من حياتي

صور مجاعات وكنت اضن اني بس بالدنيا الي اجوع

وناس مهمومه وكنت اضن ما بالكون غيري مهموم

يا الله ياهالحياه

\\
واخذت من النت حكمه

ان الغني اذا تكلم كاذبا

قالو صدقت وما نطقت محالا

واذا الفقير اصاب

قالو كذبت ياهذا وقلت ضلالا

ان الدراهم في المواطن كلها

تكسو الرجال مهابة وجلالا
فهي اللسان لمن اراد فصاحة
وهي السلاح لمن اراد قتالا

\\\\
يعني ما اقدر احارب احد وانا صوتي مبحوح ما اقدر اصرخ ولا معي سلاح

يعني لو يمر احد ويضربني مع وجهي ما اقدر الحقه واضربه

لا اسكت وادعي ربي مايرجع بعد ويضربني

\\\

واخر شي

\\
طلبت المستقر بكل ارض
فلم ار لي بارض مستقرا
واطعت مطامعي فا ستعبدتني

ولو اني قنعت لكنت حرا

\\\\\\\\\\\\\\\\\\\\\\\\\\\\\\\\\\\\\\\

والسلام عليكم

ولا ادري ليش كتبت هالكلام في هالمكان لكن

حسيت فعلان ان الحيوان صار اهم من الانسان

وبعد حسيت ان بعض الحيونات اكرم من بعض الناس

وابي اقولكم نصيحه الانسان الي مايكرم نفسها ويعزها ينهان

واتمنى لكم السلامه