منتديات تو زوو متخصصون في عالم الحيوان وتربية
المخلوقات الجميلة ويضم منتدانا أكبر وأروع تجمع لهواة تربية الحيوانات والطيور
والأسماك والأحياء المائية والزواحف والبرمائيات ولمتابعي تحركات الحشرات
والمفصليات ولمحبي الزراعة والعناية بالنباتات كما نوفر لكم من خلال سوق تو زوو
الالكتروني الكبير عرض سلعكم بالمجان وبعد ذلك كله تستريحون في استراحة الهواة
متمنين لكم طيب الاقامة لدينا
 |
 |
|
|
|||||||
 |
|
|
أدوات الموضوع | إبحث في الموضوع | طرق مشاهدة الموضوع |
16-09-2006, 11:28 AM
|
#1 |
|
هاوي نشيط
|
{ عنــدي كمــن استفســار عن الهمستــرات..؟؟ }
 :: مرحبــا شلوونكم، شخبااركم، شحاالكم عســاكــم بخيــر وصحــة وسلامــة الله يسلمكــم بغيــت شووويوونة نصايح وأجوابة منكم أول شي أنا وحدة أحب الحيوانات وايد  خاصة الحيوانات الصغيرونة اللي تتربى وتتعود على الشخصوبشكل خاص القطط.. بس بعد عدة "قطاوة" ضالين أشفقت عليهم وهم صغار.. عقب شردوا  الوالد الله يخليه حط بلوك على القطاوة ومنعهم سواء الضالين ولا شراء  المهم ماعلينا من القطاوة هني قسم القوارض،، هالأيام جتني فكرة إني أشتري همستر أنا من قبل سنة تقريبا، شريت لي إثنين.. بس ماكنت أعــرف ولاااشي عنهــم وشراءهم كان صدفــة بحتــة،، كنـت أتمشى مع الوالد بسوق المقاصيص قسم الحيوانات بالأحرى وشفت إثنين بكرتونة صغيرونة وعجبوني وايد.. والوالد اشتراهم لي.. بدل القطاوة المهم مثل ماقلت ماكان عندي خبرة ولا اي معلومة عنهم.. واللي باعني إياهم شكله جذي بعد.. حتى قاللي ياكلون النشارة طبعا الجو هناك كــان موووت حر.. وانا عقب ماشريتهم تمشيت بهم شوي "كان حزة ظهر" وكانوا نشيطين يتحركون وكلشي.. عقب لما رجعنا البيت واحنا بالسيارة لاحظت خفت حركتهم.. ولما رحعنا البيت ماخذوا حتى ساعة وماتوا اثنينهم  عاد من يومها أنا اتعقدت ومافكرت أشتري غيرهم ×_× بس اليومين اللي فاتوا مادري شاللي خلاني أفكر في هالمخلوقات مرة ثانية..!! فطول الوقت كنت أتنقل وابحث من مكان لمكان واقرأ معلومات عنهمـ،، والحمدلله عرفت كمن شي.. يعني تقريبا صرت مستعدة يصير عندي منهم.. ومن الدوارة.. عرفت الأنواع.. واللي عجبني أكثر شي الروسي القزم.. يحليله عسوول وصغيروون وألوانه حلوة =$ بس بغيت أعرف عنه كمن شي.. بالنسبة للقفص.. تقريبا كم لازم تكون مساحته؟؟ وأنا قريت إن بعض الأنواع مثل السوري.. لازم نفصل الذكر والأنثى عن بعض.. فـأنا إذا باخذ روسي.. هل اشتري قفصين؟؟ ولا ماحتاج اثنينهم يكونون بنفس القفص عادي؟؟ وإذا لازم أشتري 2.. لازم اثنينهم بنفس الحجم.. ولا عادي واحد أصغر شوي؟؟ وبعدين بالنسبة للروسي القزم... عرفت إنه في عدة أنوع وأنا اللي عجبني winter white hamster يجنن هالنوع حــده.. بس مادري إذا متوفر عندنا بالبحرين أو لا؟؟ أنا سألت وحدة اللي يجزاها خير وعطتني اسم كم محل.. بس ما أبي أروح وبعدين يطلع ماعندهم النوع الل أبيه واضطر آخذ نوع ثاني.. فأبي أتأكد قبل وبالنسبة للشراء.. متى أقدر أشتريهم الوقت المناسب لهم؟ لأن قالولي إن الحين بالحر مايصلح لهم.. بس الحين احنا بالنص الثاني من سبتمبر.. والجو شوي شوي يتغير للبرودة.. فهل أقدر أشتريهم الحين.. ولا أصبر بحدود أسبوعين ثلاثة؟؟ مابي أشتريهم ويصيرون مثل القبليين على طول يموتون وبعد اللي عرفته إن القفص يجي مجهز بالأشياء الأساسية مثل البيت الصغيرون والدوّارة والرضاعة وصحن الأكل إنزين.. في بعد أشياء إكسترا يحتاج أشتريها؟؟ لأن إذا في أشياء أبي اشتري كل شي بوقت واحد.. مافيني أروح وأرجع على المكان كذا مرة كسلوبالنسبة للتكاثر.. أنا عرفت إن الهمسترات من النوع اللي بسرعة يتكاثرون.. وما شاء الله العدد خلال شهور يتضاعف.. وسالفة التكاثر شوي معقدة يعني فصل وشيل وحط فـ إذا اشتريت ما ابي تصير عندي مزرعة همسترات "الوالد إذا رضى بثنين زين لول"وبالنسبة للصغار.. إذا صار عندي يعني.. لازم أفصلهم الذكور والإناث بقفص؟؟ ولا عادي أخليهم مع الأم والأبو بقفص واحد؟؟ إذا جذي السالفة تهون.. بس إذا السالفة فيها اقفاص وايد مشكلة..  وآخر شي.. بالنسبة للمكان.. قريت إن املكان لازم مايكون لا حار ولا بارد :| ماعرفت شلون يعني! أنا إذا بحطهم يا بيكونون بالغرفة أو بالصالة.. واغلب الأوقات بتكون مكيفة.. فـ شلون.. التكييف بارد عليهم ولا شلون؟؟ وشلون أعرف درجة الحرارة المناسبة لهم؟؟ ياخوفي يتجمدون من ابرد أو يذوبون من الحر ووبس هذي الاستفسارات حاليـاً.. إذا طرى على بالي شي ثاني برد أكتبه وأنتظر إجاباتكم ^^" والسمووحة على الإطالة :: 
__________________
. м ї ś ś . ł ε x ù ś ģ ĩ я ł .  .[. منْـ جِمِيْعْ الْوَرْدْ مَمْزُوجَهْـ . . وبحَلاَةْ الْطِيْبْـ فَوَّاحَهْـ .]. |
|
|
16-09-2006, 11:44 AM
|
#2 |
|
هاوي نشيط
|
رد: { عنــدي كمــن استفســار عن الهمستــرات..؟؟ }
:
هلا فيج اختي في المنتدى اختي بالنسبه للهامسترات احسن نوع الروسي لان اول شيء اليفين وذا الانثى حملت مايحتاج انك تفصلينها عن الذكر ونظيفين مرررة اما السوري لازم تحتاجين لقفصين علشان اذا حملت الانثى تفصلين الذكر عنها فـانصحك بالروسي احسن شيء واغلب الاعضاء اللي هنا عندهم روسي لان حبووب واليف بالنسبه للقفـص في اقفاص واجدة حلوين وشاملين كل شيء من ناحيه البيت وحقت المويه و الاكل والدائرة اللي يلعبون فيها وفيه اقفاص مفتوحه وفيه مسكرة وفيه احجام انتي اختاري الحجم على حسب كم هامستر تبغين زوج او زوجين او 3 والخ الخ الخ طبعا الهامسترات سريعه التكاثر وما شاء الله يجيبون صغنونين واجد فـااذا انتي ماتبغين تربينه واجد كل ماولدو خلي الصغار يكون عندة كم شهر وبيعيهم او عطيهم احد وخلي اللكبار اللي شريتيهم عندك طبعا اذا ولدت الانثى لا تفصلين عيالها عنها لان هي اللي تغذيهم هم مايقدرون يغذون نفسهم الروسي اذا ولدت الانثى لاتبعدين الذكرعنها بالعكس الذكر يساعدها اما السوري اعتقد ان ياكل عياله اذا ماخاب ظني انا ماعرف كثير عن السوري لان ماحبيته  الهامسترات عادي تقدرين تشترين اي وقت والحين الجو مرة حلو لاهو حار ولا بارد انتي اذا شريتيهم خليهم في غرفه او صاله فيها مكيف بس مو مرة بادر ولا مرة حار خليه الجو عادي ان شاء الله اختي اكون افدتك بشي لو بسيط واكيد الاعضاء الباقي بيفيدوونك اكثر امووووونهـ :
__________________
 |
|
|
|
16-09-2006, 01:36 PM
|
#3 |
|
هاوي نشيط
|
رد: { عنــدي كمــن استفســار عن الهمستــرات..؟؟ }
:: مشكوووورة غلاتي أموونهـ على الاجابات أفدتيني وايد ^.^ وبالنسبة للسوري أنا تعقدت لأن اللي خذيتهم مرة وماتوا كانوا من هالنوع والروسي شكله كيوت أكثر وأهم شي صغيرون ^_^ وأنا أحب الأشياء الصغيرونة ^.^ ::
__________________
. м ї ś ś . ł ε x ù ś ģ ĩ я ł . .[. منْـ جِمِيْعْ الْوَرْدْ مَمْزُوجَهْـ . . وبحَلاَةْ الْطِيْبْـ فَوَّاحَهْـ .]. |
|
|
|
16-09-2006, 02:24 PM
|
#4 |
|
محترف
|
رد: { عنــدي كمــن استفســار عن الهمستــرات..؟؟ }
الأخت أموووونهـ كفت ووفت جزاها الله خير... وبالنسبه للإكسسوارات الثانيه فما هي ضرورية كثير.. بس اللهم زيادة ترفيه وتجميل للقفص... أهم شي تكون الدوارة موجوده لأنها شي (أساسي بالقفص) وان شاء الله عن قريب تراوينا صور همستراتج الحلوين...  تحياتي للجميع...
|
|
|
|
16-09-2006, 10:13 PM
|
#5 |
|
هاوي متميز
|
رد: { عنــدي كمــن استفســار عن الهمستــرات..؟؟ }
ولو يكون قفصهم فيه مثل نفق ودوارة وبيت عشان اييبون العيال داخل البيت ^_^ وعن درجة الحرارة ... تكون عادية جد يعني درجة حرارة الغرفة واذا كانت الغرفة حارة شغلي لهم المروحه ولاتنسين تنظيفين القفص لان الاهمال بيكون دود داخل القفص ( تحت ) ويوم يكبرون العيال افصليهم كلهم عن بعض لان الانثى تظارب الانثى والذكر يظارب الذكر فخلي عندج بس ذكر وانثى والعيال اذا كبرو بيعيهم او عطيهم حق حد يحب يربي حيوانات ولاااااااااااااااااااااااااااتنسين تتأكيدن أن يوم بتشترين أنه يعطيج الريال ذكر وأنثى ...يمكن يعطيج اثنينه من نفس الجنس !!! من ناحية اكلهم عطيهم : حب أسود وهذي صورته  وهذي انواع اكل الهامستر        
|
|
|
|
16-09-2006, 10:15 PM
|
#6 |
|
هاوي متميز
|
رد: { عنــدي كمــن استفســار عن الهمستــرات..؟؟ }
|
|
|
|
17-09-2006, 12:10 AM
|
#7 |
|
عضوية شرفية
|
رد: { عنــدي كمــن استفســار عن الهمستــرات..؟؟ }
حاولي تخلين درجة الحرارة مابين 25 - 18 درجة سيليزية الخوف بس من الحر لانه باستطاعتة العيش في الأماكن الباردة جدً (winter white hamster) أما اذا زادت عن المستوى يصاب الهامستر بالكسل و الخمول.. أما ياكلون النشارة يمكن اللي يبيع شافهم ايمعونها او يشيلونها و ساعات يحشون خدودهم فيها ليس للأكل و إنما لبناء عشهم و نقل النشارة من مكان إلى آخر .. و من المستحسن للروسي عامةً بعد مررور 3 أشهر فصل الإناث عن الذكور لتنظيم المواليد و عدم الحمل بسن مبكرة لتجنب المخاطر الناتجة . و يكثر الإنتاج في الهامسترز في فصل الصيف و يقل في الشتاء و الخريف .. و يفضل انج تاخذين الإنثى صغيرة لأن الكبيرة (سبق لها الحمل) قد لا ترغب بذكر جديد .
__________________
 2zoo |
|
|
|
17-09-2006, 11:14 AM
|
#8 |
|
عضوية شرفية
|
رد: { عنــدي كمــن استفســار عن الهمستــرات..؟؟ }
ماقصرو الاعضاء كلهم اب صراحه
وانا عندي اضافه ولو انها بسيطهـ .. و اضافتي صور =) مثل ماقال الاخ لويس .. العجله اهم شي بالقفص مثل ماتعرفين الهامستر كائن ليلي نشيط  ومن الادوات التي تأتي مع القفص المشرب  الانفاق  البيت  عدا اضافه وحده اذا تبين اتضيفين وهو حمام الرمل .. الي افادتني فيه مشرفتنا وذرد روز ... واكيد نشارة الخشب  موضوعين يفيدونج [ بالصور&حصريا" ] طريقة تنظيف قفص الهامستر http://www.2zoo.com/vb/showthread.php?t=8106 الطريقه الصحيحه لحمل الهامستر بيديك ' Exclusive ' http://www.2zoo.com/vb/showthread.php?t=6244
__________________
CheM!caaL eNg!nEeR |
|
|
|
20-09-2006, 07:14 PM
|
#9 | |
|
هاوي نشيط
|
رد: { عنــدي كمــن استفســار عن الهمستــرات..؟؟ }
اقتباس:
:: مشكووورو خيووو ع الرد والإفادة ^_* وإن شاء الله.. أول ما اشتريهم بتشوفون الصور ::
__________________
. м ї ś ś . ł ε x ù ś ģ ĩ я ł . .[. منْـ جِمِيْعْ الْوَرْدْ مَمْزُوجَهْـ . . وبحَلاَةْ الْطِيْبْـ فَوَّاحَهْـ .]. |
|
|
|
|
20-09-2006, 07:15 PM
|
#10 | |
|
هاوي نشيط
|
رد: { عنــدي كمــن استفســار عن الهمستــرات..؟؟ }
اقتباس:
:: مشكوووور غلآآآآي على الافادة ^.^ ماقصرتي والله ^__^ ::
__________________
. м ї ś ś . ł ε x ù ś ģ ĩ я ł . .[. منْـ جِمِيْعْ الْوَرْدْ مَمْزُوجَهْـ . . وبحَلاَةْ الْطِيْبْـ فَوَّاحَهْـ .]. |
|
|
|
|
| Bookmarks |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
العرض العادي
|
|
جميع الأوقات بتوقيت GMT +3. الساعة الآن 04:36 PM.
الإدارة غير مسئولة عن أي اتفاق تجاري أو تعاوني بين الأعضاء
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
فعلى كل شخص تحمل المسئولية تجاه مايقوم به من بيع أو شراء أو اتفاق أو اعطاء معلومات
 |
 |
 |