سؤال

[شايب حائل]

ممكن بسالكم انا الحين كلمني اخوي موجود في الرياض قال لي حصلت لك اكل للببغاء الافريقي كرتون مخلط وفيه فتامين اسمه سفاري هل هو كويس سؤال ثاني الحين حب الشمس عادي احط للببغاء الصباح والمغرب مرتين في اليوم وكم حبه احط له حب شمس وبا النسبه للمرايه حطيتها قدامه بس احس كل اليوم انه خايف منها ماتحرك مو مثل اول يلعب وكيذا افيدوني

[د. إحتـراف]

بسم الله الرحمن الرحيم

اخوي بالنسبه للاكل تغيره له مره في اليوم والماء كذالك مره وحده في اليوم تحط له في المعلف

واذا كنت تدرب الطير على التوليف او على الكلام فـ قلل له الاكل لانه مافيه تعليم في الشبـع

وانت ليش حطيت له المرايه وش السبب ؟ تبيه يتكلم يعني ؟

[شايب حائل]

يعني احط له مره وحده الصبح اكل وبس وبا النسبه قالو لي ان المرايه تخليه يتكلم وابي اسلك وش رايك اخليه عندي بغرفتي ولا احطه في الصاله وش رايك

[د. إحتـراف]

اخوي العزيز المرايه اذا طيرك كان عندك من زمان ومايتكلم ولا يصفر بس انت علم طيرك الكلام

وخله في الصاله اذا تبيه يتعود على اهل البيت واذا تبي تعلمه على الكلام الصباح او قبل المغرب

تلقنه كلمات سهله بس قبلها تعلمه على التصفير

تقبل مروري

[شايب حائل]

اخوي هو له 6 ايام عندي وقالو لي انا جامبور وعمره 8 شهور يعني احطه با الصاله احسن على شان يتكلم بسرعه لان اهلي دايم يجلسون في الصاله وش رايك ولا اخليه في غرفتي بس انا الصاله احيان مااكون عنده وممكن يجون اطفال يقربون لنا وانا خايف عليه وش تنصحني اخليه بغرفتي

[شايب حائل]

اخوي الحين كلمني اخوي من الرياض يقول اشتريت له 3 العاب تعلق في القفص هل اعلقهم كلهم عادي عنده

[د. إحتـراف]

المشاركة الأصلية كتبت بواسطة شايب حائل

اخوي هو له 6 ايام عندي وقالو لي انا جامبور وعمره 8 شهور يعني احطه با الصاله احسن على شان يتكلم بسرعه لان اهلي دايم يجلسون في الصاله وش رايك ولا اخليه في غرفتي بس انا الصاله احيان مااكون عنده وممكن يجون اطفال يقربون لنا وانا خايف عليه وش تنصحني اخليه بغرفتي

يالغالي 6 ايام قليل جدا توه خير

خله اسبوعين في الصاله وحطه فوق طاوله او كرسي ولا احد يحاول يضايقه خله يتعرف على اهل البيت براحته

واذا جا احد البيت حط الطير في غرفه لحاله افضل له

[د. إحتـراف]

المشاركة الأصلية كتبت بواسطة شايب حائل

اخوي الحين كلمني اخوي من الرياض يقول اشتريت له 3 العاب تعلق في القفص هل اعلقهم كلهم عادي عنده

اكيد لازم تعلق عند الطير العاب خير ماسويت انت واخوك

[شايب حائل]

طيب اخوي معليش ابلشتك قبل شوي طلعت من غرفتي رحت الصاله المهم خليته لحاله في غرفتي وخليت التلفزيون شغال عنده المهم وانا جالس في الصاله اسمع انواع التصفير كل شوي نغمه جلس خمس دقائق يصفر الحمدلله بس بسلك بخصوص طيور الفيشر انا مطلعهم من القفص ويطرن عند الببغاء عادي ما في مشكله لانه اذا طارو عند القفص حق الببغاء ينفش ريشه عليهم لانه انا مطلعه على الاستاند

[د. إحتـراف]

والله مادري هل فيه ضرر او لا

لكن للحيطه لا تخليهم يقربون يمه عشان مايصير شي