اشترك في نشرتنا البريدية ليصلك كل جديد

~~don~~ · 16-05-2007, 12:46 PM

موضوع التغذيه
موضوع مهم وضرورى كتير اتكلموا فيه
ده طبعا لشده اهميته
انا هنا مش هتكلم على العناصر و الفوايد
انا هدخل المطبخ و اعمل وجبات بالهنا والشفا
الوجبات النهارده للكلاب من عمر شهر

فما فوق
الكلب من عمر شهر لعمر 3 شهور من 3 الى 4 وجبات فى اليوم

الكميه عشان نسهل الموضوع ونكون عملين هنا فى ourpetclub مش زى التانين

ببساطه معده الكلب تقريبا فى حجم راسه كده بقت اسهل لان مفيش حد هيوزن الاكل من الناحيه العمليه يعنى هنقسم حجم راسه الى 3 او اربع وجبات ونزود شويه
وجبه الفطارو السناك تختار من القائمه عشان كلبك ميزهقش
1- وجبه فته اللبن
1/2 كبايه لبن (100 جرام )- 1 رغيف فينومقطع قطع صغير جدا - 1/2 ملعقه سكر - معلقه كبيره زيت -1 معلقه صغيره لبن بودره 1/4 كبايه ماء
تحط المقادير كلها فى كيس بلاستيك وتقلبه جيدا ( وجبه تكفى شخصين/ اقصد كلبين او تقسم الى وجبتين )

2- وجبه الارز باللبن
1/2 كوب ارز - كوب و 1/2ماء - 1 كوب لبن - ملعق سكر - ملعقه و 1/2 زيت - 1/2 ملعقه لبن بودره
يسلق الارز بعد الغسيل فى الماء ويصفى الماء الزائد ثم تضاف باقى المكونات
تحط المقادير كلها فى كيس بلاستيك وتقلبه جيدا ( وجبه تكفى شخصين/ اقصد كلبين او تقسم الى وجبتين )

ملحوظه وجبه الافطار تقدم مع بيضه مسلوقه يستحب انك تهرسها والكلب ياكلها من ايدك هتفرق كتير فى الاحساس معاك ومعاه وجرب

وجبه الغذاء و العشاء

[align=center]1- فته بالخضار واللحم
1/2 كوب خضار ( كوسه وجزر مقطع قطع صغيره )- 3 كوب ماء - 3/4 كوب لحمه مفرومق -2 ملعقه كبده مقطعه صغير - رغيف و 1/2 عيش فينو ملعقه كبيره زيت
يسلف الخضار مع الماء وعند 1/2 النضج يضاف اللحم و قبل تمام النضج تضاف الكبده بعد رفعها من النار و تبرد شويه يضاف الخبز المقطع قطع صغيره و الزيت

2- شوربه الفراخ مع الارز
1/2 كوب ارز - 1/2 كوب خضار (بسله وجزر مقطع جيدا ) - 4 كوب ماء - 1 كوب لحم دجاج - ملعقه زيت
يسلق الارز بعد الغسيل مع الجزر و البسله و عند 1/2 النضج يضاف لحم الدجاج مفروم او مقطع قطع صغيره وملعقه الزيت

3- وجبه المكارونه و العدس بجبه
1/2 كوب مكرونه صغيره - 1/2 كوب عدس بجبه - 3و1/2 كوب ماء - 3/4 كوب لحم مفروم - 2 ملعقه كبده مقطعه صغير - ملعقه زيت
يسلق العدس عند 3/4 النضج يضاف الحم و قبل تمام النضج يضاف الكبد و المكرونه و تطفاء النار ويغطى الاناء 10 دقائق ثم يضاف الزيت
يمكن استبدال العدس باى بقول اخرى ( فاصوليا /لوبيا ....)
[/align]

اصناف جانبيه

يضاف 1/2 قرص خميره ( متوفره بالصيدليات ) يخباء داخل قطعه سجق او لحم وتقدم مرتين اسبوعيا

يمكن استبدال وجبه الدجاج بسمك مره كل 15 يوم

ملحوظه :-
1-من عمر 4 شهور الى 6 تكون وجبه اللبن نهار وجبه واحده + الغذاء والعشاء
2-من عمر 7 شهور الى 10شهور تقدم وجبه الافطار + تدمج وجبتى الغذاء و العشاء فى وجبه واحده
3-توقف وجبه اللبن بعد عمر 10 شهور او سنه