همتورة عقيمة ؟ لالا أعيدي النظرررر !!!

[الفراشـــــة]

بسم الله الرحمن الرحيم ..

كيف حالكم أعضاء منتدى القوارض ؟

عساكم طيبين

وحشتوش توش توش توووووونييييي .. ( إن شاء الله فهمتون الكلمة عاد )

>> رعود أبو الدواهي ( عاطي عاطي ) أكيد بيفهمها <<

ع العموم اللي ما فهمها يقول حقي ..

و اللي فهمها هذا من أذكى الأذكياء بعد ..

أكيد يلبس نظارة

المهم ..

آنا حبيت أسألكم عن أماكن وضع أقفاص أو منازل همستراتكم ..

لأن الماما ..

الله يهداها بس

شالت القفص من عند استراحة الدرج و طلعته برع الحوووووش بس مسقف ( له سقف ) ..

و ما تدخله الشمس ..

بس اللي خوفني التيارات الهوائية يعني .. لو جت صدفة و عبثت بهمستراتي ..

عطوني الزبدة ..

يا ترى وين تحطون بيوت همستراتكم ؟

بالغرفة ؟ و إلا بالصالة و إلا بالخارج ؟ و إلا اشلون ؟

لأني آنا خايفة خصوصا عليهم من الأمراض و من تساقط الشعر ..

و عندي مشكلة صغيرة ..

فيه منطقة صغيرة في ظهر همتارو مسكين طاح منها الشعررررر ..

و انا خايفة لا تزيد الحالة و يصير أقرع

ما سبب تساقط الشعر ؟

هل بسبب حرارة الجو ؟ أو التيارات الهوائية ( الرياح القوية ) .. لأن هالأيام العواصف زايدة في

البحرين لا تحسبوني أمزح .. لأن حركة الهواء صايرة تسبب مشاكل وايد ..

و الأجواء في البحرين كلش سيئة ..

و بالنسبة الى عين كتكوتة يا ميشووو ..

هي في تحسن مستمر .. بس الغريب إن الشعر اللي حول العين تساقط كله ..

العين تحسنت نسبيا يعني الجرح يلتئم بس الشعر هل بينمو من جديد يا رعود و إلا شنو

السالفة ؟

آنا بصور لكم عينها بس نطروا علي بعد الامتحانات ..

اهني يمكن نحتاج استشارية .. ويذرد روز بعد عمري و الله لا يحرمنا منها ..

و الأخبار التالية ..

انا الظاهر اني قاعدة اكتشف ان عيب عدم حمل الإناث هو الذكر نفسه ..

لذا قررت اني انتظر مدة اسبوعين او أقل و بشتري لي ذكرررر جديد ..

عشان أكتشف الخلل ..

لأني خلاص زهقت من جد أبي عياااااااااال يا نااااااااااس

و بالنسبة لي آنا شخصيا آنا مرتاحة و سعيدة جدا بهمتارو و همتورة ..

آنا لأول مرة في حياتي أربي حيوان و ما أطفش منه ..

تربية الهمسترات و الله متعة ..

همتارو و همتوووورة عجايب و الله ..

خاصة همتاروووو ( هالأيام زايد وزنه و طوله و نعومة فروووه صايرررر جنان بس ملامحه كلش ما

فيها ريحة البراءة .. يمكن عشانه ذكر صح ؟ البابا ما يحبه يقول آنا أكره هالشكل وجهه كريه !!!

الله يسامحك يا بابا المظاهر خداعة .. وجهه كريه لكنه أليف ما يعض و على نياته إن شاء الله

لو أدوسه برجوولي .. تعال الى كتكوتة إش حلاتها صغنونة و متختخة لكن

عضتهااااااا منيتهااااااا )

و الله آنا أخذت طيووور اش كثر و الله يرحمهم ما أجدت تربيتهم

بس الآن اكتشفت ان ما يصلح لي إلا الهمسترات ..

و تربيتهم سهلة ..

و بعطيكم بعد أشياء صج جنان ..

همتورة .. عاشقة اللبن ( يا حليلها لما تلعق اصبعي المبلل باللبن و هي ماسكته بيدها

الثنتين هالمرة وعد أصورها لكم بهاللقطة ( عجيبة و الله )

همتارو .. عاشق البفك ..

كتكوتة .. عاشقة الملفوف ..

و كل هالأشياء عن تجربة حقيقية ترى

خلاصة الموضوع ..

وين تحطون همستراتكم ؟ أبي اعرف الجوااااااب من كل الأعضاء .. اتفقنا ؟

و ما أسباب تساقط الشعرررر ..

إعذروني على الإطالة بس كلام مكبوت من سنين و الله الواحد

يحبه يطلعه ( مو جني أبالغ ؟ )

غارت عيونج يا قطة الأحلام ها ؟

الله يساعدج و الله ..

تحيـــــــــــــــاتي للجميـــــــــــع

[qqlllpp]

الله يعينج يالفراشه صدق مشاكل هل هامسترات
انا قريت ان انثى الهامستر ما تتزوج الى من ذكر واحد
يعني اذا تزاوجت مع الي عندج ممكن ما تقبل غيره
وانا انتضر رد الخبراء فهالمجال لاني عندي نفس المشكله

[رعوود]

وناسه


اول اسم بالموضوع اسمي

عاطي عاطي

لووول



خيتو ازهار جاك الكتكوت على قولتك


انا احط قفص جينيكوا


بصالة بالدور الاول

ما نيلس فيها كثير

بس نمر من عندها كثير


ومستانسه بقفصها ومكانه وما عانيت ولا مشكولة وحده


والشعر ممكن تكون همتورة والا كتكوتة (الي زي اسمي)

عضوه

او انه فيه فطريات

ودية البيطري وراح يعطيك دوا الشعر راح يرد مثل اول ان شاء الله


في ثوعال ثاني؟

[Withered Rose]

بالنسبه لي الأقفاص كل مره أنقلهم لمكان المهم يكون هادي و بارد .. خصوصاً مع 3 قطط يحبون الهامسترات و يعطفون عليهم لول (ياارب) الحين حطيت الأقفاص بالمخزن و الهامسترات اللي حوامل بالغرفه ..

بالنسبه لسقوط الشعر دائماً ما يكون عامل خارجي مثل الحساسيه أو جرح قديم أو جرب (إذا كان في مناطق معينه على شكل بقع)لا سمح الله إذا تقدرين تصورينها يكون أفضل ..

و يمكن يكون الذكر أو الإنثى عقيمين بس والله ماني متأكده 100&#37; للأنثى بس كان عندي مجموعه مناسبين للإنتاج و لكن الذكر كان عقيم و حتى شكله الخارجي مو مثل باقي الذكور غيرت الذكر و نفع معاهم و أنتجوا الهامسترات ..
و فيه إحتمال آخر إن الأنثى عمرها وصل فوق الـ 12 شهر في هذا العمر الأنثى لا تنجب بالنسبه للروسي أما الذكر أي عمر ..


نبي الصور كل واحد و وجبته المفضله
الله يخليهم لج أزهار

[qqlllpp]

الله يبشرج بالخير يا وذر روز

بجرب احط الذكر الثاني مع لنثا لي عندي

[KAMTARUO]

ممكن فطريات او متهاوشة مع همتارو ممكن !!!!

[hanie]

انا عندي بالصاله حوض سمك كبير وحاط عليه قفص الهامسترز وقفص للسلاحف....

اما عن القرعه فما عندي فكره!!

[ميشوٍ جدهـ]

إمممم والله مشغول حبتين وراي اشياء اخلصهآ

ليُ عودهـ بالموضوع هذإ

وبالمناسبه هامستراتي حاطهم بغرفتيُ

<&#215;&#215; مستحيل يكتفى بهذا الكلامُ ^^"

انا بجي واتفاهم معاكيُ يآ ازهآرً اصبري علي ^^"

بررب

[jojo111]

هاااااااااااااي


ازهار بالنسبة لي انا حاط هامستراتي بالخارج لكن في كان مناسب ومب مشكله التيارات
الا اذا كانت قويه كثير


وبالنسبة للشعر انا عندي فاربي وبوسو لكن فاربي فيها منطقة كبيرة دائرية نصف قطراها
2.5 سم ولكن بوسو فيه مناطق صغار مافيها شعر لكن الشعر مب متساقط كثير ولكن لاباس على الاقل بقعتين او ثلاث


وبالنسبة للعقم احتمال تكون عقيمة بس ما عندي خبرة لاني ما ربيت انثى عقيمة كل الاناث عندي الحمد لله ما فيها شي منتجة والحمد لله



ولاتنسين تحطين الصور

[*عاشقة القطط*]

لوووووووووووول

ليش قلتي انها

عقيمه بالعنوان

فجعتيني عليها

والله احبها واحب اشوف صورها

مادري ليش

ونستنى خبريه الحمل

عند همتورة وكمان كتكوته

والاعضاء ساعدوك

واي سؤال انا تحت الخدمه<<<محسبه نفسها خبيرة بهلسوالف<<<<ماهي عارفة شي اصلا