لو تكرمتو ساعدونا

[مًٍحًٍمًٍدًٍ ...]

سلام عليكم ... اخواني الاعزاء رواد منتدى توزو عندي مشكله مع ببغائتي الغبيه كاسكو تتكلم وتهذري ولا تقول الا الكلام الي تسمعه مني اوكي ... المشكله انو ونا بجنبها ولا حرف بس تطالع وتبي نلعب وذا روحت عنها تسولف وذا اهلي عندها عادي تسولف وتصفر وتبدع بس من تسمع صوتي او اجي يمها تسكت ولا تبي تتطلع اي حرف وتعبت ونا احاول اخليها تحكي امامي وووووش الحل ؟؟؟

[بلاك بيري]

علق الطير بمكان مرتفع اخوي محمد او شمسه وراح تسمع منه ما يسرك ان شاء الله

موفق

[eaglesa38]

عليكم السلام ورحمة الله وبركاته

بالنسبة للكاسكو حساس جدا
ربما بدر منك شيء اخذ الطير بسببه موقف منك
وبقولك قصة احد اقاربي
احد اقاربي اشترى طير فرخ وتعرف الفروخ تعض وتصارخ
الطير عض قريبي ومن قوة العضة قريبي ضرب الطير كف
الطير تعقد من قريبي ولا قام يتقبل منه شيء
اخذه لابن خالي وروضه له وبدا الطير يتكلم
بعدها رجع الطير الى قريبي
المشكله ان الطير في غياب قريبي يهرج ولا يتوقف
ويتحرك بالقفص
وبمجرد وصول قريبي لباب الشقة قبل يدخل يلاحظون الطير ينزوي في زاوية وبطريقة خوف
الى درجة ان زوجته بدأت تعرف ان قريبي وصل قبل يدخل الشقة
واستمرت هذه الحالة تقريبا فوق السنتين
بعدها الطير بدأ يولف على قريبي ويحبه

ربما انت ما ضربت الطير او مابدر منك شيء
لكن صاحبه الاول بدر منه شيء زعل الطير
والطير يفكرك هو

لاني مرة اشتريت كوكاتو مجرم معي فقط
مع عيالي حمامه
مع اخواني حمامه
مع اصدقائي حمامه
ومعي اكبر مجرم
تخيل انه بالمجلس يطرد وراي مثل الكلب يريد يعض رجلي


تحياتي

[مًٍحًٍمًٍدًٍ ...]

شكرا لكم اخواني لمشاركتكم وردوركم اللتي نلتمس منها خيوط المعرفه والتزود بما يختص بها الطيور الجميله