استفسار عن طيور الروز

[شايل الريم]

السلام عليكم ورحمة الله وبركاته
اسعد الله صباحكم ومسائكم با الخير


يشرفني الانضمام ال اسرت منتداكم الرائع تو زو

انا هاوي جديد
وتوني مبتدئ في تربية طيور الحب من فصيلة الروز

طبعن بدايتي من 3 اشهر من تاريخ الموضوع
ما حبيت اني اجازف با اكثر من جوز وخاف اخر شي ما تعجبني
حبيت استفسر
عن الانتاج
وفي كم ملاحضاء عندي حبيت انكم تفيدوني فيها


با النسبه للنتاج كم مره ينتج طار الروز في السنه

ثانين بعد التلقيح كم يلزم الانثه لوضع بيضها

وبنسبه للملاحضات
انا اخذت الطيور من واحد ما اعرفه
لكن الرجال شرط انهم طيور منتجه ميه با الميه
وانهم جوز
اخذتهم بقفصهم بمبلغ وقدرا ......

الطيور مشاءالله عليهم صحتهم ممتازه
ونشاطهم حلو
في اول شهر عندي
كنت اسمع تصفيرهم قوي وتغريد
ولمه اجي اشوفهم القاهم يتحوشون
عساء ماشر طيور حب وهوشه يمكن مشاكل عائليه ما حبيت اتدخل بينهم
لاكن في اليوم يتهوشن من 3 الى 6 مرات
تقريبن هذا في اول شهر
الشهر الثاني من 1الى 3 مرات
الحين هم في الشهر الثالث عندي
وهوشتهم خفت
حتى اني شكيت انهم مش جوز
قلت في بالي يمكن اثنينهم ذكور او اناث
لكن
قبل اسبوع لقيت الانثه على كلامالرجال الي اخذت منه الطيور تلقح الذكر
فا اكتشفت ان الرجال قالي الانثه هذي والذكر هذا
طلع كلامه عكس
نصحوني شباب احط لهم في عشهم ميشارة خشب
جطيت لهم وبعدها بكم يوم طلعوها من عشهم

ادري طولت عليكم
بس مبتدى وحابب يتعلم
صح الاكل الي احطه لهم
اكلهم الخاص من الحبوب
واحط لهم من الخضروات جرجير با الاسبوع مرتين
واحط لهم بيض مع بقسماط با الاسبوع مرتين
ومرات با الاسبوع احط لهم تفاح
وشوف شهيتهم ع التفاح مشاءالله حلوه وبقوه

[LORD_QTR]

اول شي مبروك عليك الطيور وتشوف انتاجهم ان شاء الله

وبالنسبه للنشاره الخشب . طيور الحب ماتحب احد يتدخل بصنع عشها وهي تصنعه لحالها وفي للعضو الاستاذ محمد ابراهيم موضوع عن طيور الحب وكيف تصنع عشها

وهذا الرابط حقه بيفيدك
http://2zoo.com/vb/showthread.php?t=249141

اما باالنسبه للتغذيه فجدولك ممتاز

ومدام شفت الذكر يلقح الانثى فهم جوز بالغين وتشوف انتاجهم ان شاءا لله

وياليت تاخذ لك لفه بالقسم على المواضيع المثبته بتفيدك واجد

واترك المجال لباقي الاعضاء
والسموحه منك

تحياتي لك

LORD_QTR

[جورجي]

وعليكم السلام ورحمة الله وبركاته
في بداية الهواية للمبتدئين .. ينصح بعدد قليل من الاجواز مابين جوزين الى خمسة اجواز
عدد مرات انتاج الطيور يعتمد على الاجواء المحيطة بالطيور .. مثلاً الاجواز اللي تعيش بسلاكة على سطح المنزل عدد انتاجها يختلف عن الاجواز اللي تعيش باقفاص بغرفة مهيئة لها درجة حرارة مناسبة
ومدة وضع البيض بعد التلقيح .. على حسب الاناث .. بعض الاناث تأخد اسبوع ونصف والبعض تأخد اسبوعين
وبالنسبة لهوشة الطيور يمكن كانوا من البداية جوز غير متوالف ويمكن ان كلا واحد منهم كان متوالف مع طير اخر .. وتم جمعهم فجأة .. لكن بما ان تشاجر الطيور راح فهذا ممتاز
يصير احياناً في طيور الحب ان الاناث تلقح الذكور " قليل جداً "
وبالنسبة للعش .. تركب لهم العش وتخلي به شوية نشارة خشب وتحط للطيور داخل القفص سعف نخيل نظيف ومقصوص الاطراف الحادة .. والطيور بتتصرف فيه وتبني العش
والنظام الغذائي حق طيورك ممتاز .. ينقص انه تعلق لهم عظام حبار .. عظام الحبار علشان الطيور تحصل على الكالسيوم منه

[شايل الريم]

المشاركة الأصلية كتبت بواسطة جورجي

وعليكم السلام ورحمة الله وبركاته
في بداية الهواية للمبتدئين .. ينصح بعدد قليل من الاجواز مابين جوزين الى خمسة اجواز
عدد مرات انتاج الطيور يعتمد على الاجواء المحيطة بالطيور .. مثلاً الاجواز اللي تعيش بسلاكة على سطح المنزل عدد انتاجها يختلف عن الاجواز اللي تعيش باقفاص بغرفة مهيئة لها درجة حرارة مناسبة
ومدة وضع البيض بعد التلقيح .. على حسب الاناث .. بعض الاناث تأخد اسبوع ونصف والبعض تأخد اسبوعين
وبالنسبة لهوشة الطيور يمكن كانوا من البداية جوز غير متوالف ويمكن ان كلا واحد منهم كان متوالف مع طير اخر .. وتم جمعهم فجأة .. لكن بما ان تشاجر الطيور راح فهذا ممتاز
يصير احياناً في طيور الحب ان الاناث تلقح الذكور " قليل جداً "
وبالنسبة للعش .. تركب لهم العش وتخلي به شوية نشارة خشب وتحط للطيور داخل القفص سعف نخيل نظيف ومقصوص الاطراف الحادة .. والطيور بتتصرف فيه وتبني العش
والنظام الغذائي حق طيورك ممتاز .. ينقص انه تعلق لهم عظام حبار .. عظام الحبار علشان الطيور تحصل على الكالسيوم منه

يعطيك العافيه اخوي جورجي
بس في. نقطه ما فهمتها وخلت فوق مخي علامت تعجب
يصير احياناً في طيور الحب ان الاناث تلقح الذكور " قليل جداً "

شككتني بنفسي بعد. ما قلت شكله. الذكر عكس كلام الرجال
يعني هل فعلن يصير العكس

[جورجي]

العفو اخي .. الله يعافيك
نعم اخي .. هذا يصير احياناً قليلة جداً ان الاجواز المتوالفة في يوم تشوف الذكر يلقح الانثى وبعد ايام تلاقي الانثى تلقح الذكر .. شيء طبيعي عند طيور الحب
لكن بما ان الجوز توالف ونحن في موسم الانتاج فلا مشكلة
وان شاء الله قريباً يضع البيض

[شايل الريم]

المشاركة الأصلية كتبت بواسطة LORD_QTR

اول شي مبروك عليك الطيور وتشوف انتاجهم ان شاء الله

وبالنسبه للنشاره الخشب . طيور الحب ماتحب احد يتدخل بصنع عشها وهي تصنعه لحالها وفي للعضو الاستاذ محمد ابراهيم موضوع عن طيور الحب وكيف تصنع عشها

وهذا الرابط حقه بيفيدك
http://2zoo.com/vb/showthread.php?t=249141

اما باالنسبه للتغذيه فجدولك ممتاز

ومدام شفت الذكر يلقح الانثى فهم جوز بالغين وتشوف انتاجهم ان شاءا لله

وياليت تاخذ لك لفه بالقسم على المواضيع المثبته بتفيدك واجد

واترك المجال لباقي الاعضاء
والسموحه منك

تحياتي لك

LORD_QTR

مرحباء اخوي لورد قطر
منور الموضوع
ويعطيك العافيه
وشكرآ وكل شيء

[شايل الريم]

يعطيك العافية اخي جورجي وان شاءالله الله يسمع منك وقرى يضع البيض من يؤكد لباب السماء